ຕອນຄ່ຳວັນທີ31ຕຸລາແລ້ວນີ້,ນາໂຕອອກຖະແຫຼງການວ່າ,ການເຄື່ອນໄຫວທາງການທະ ຫານຢູ່ລີບີເປັນເວລາ7ເດືອນຂອງນາໂຕໄດ້ສິ້ນສຸດລົງຢ່າງເປັນທາງການໃນເວລາທ່ຽງຄືນຂອງວັນທີ31ຕຸລາຜ່ານມາ.
ຕາມຖະແຫຼງການ,ຍົນເຕືອນໄພທັງໝົດທີ່ເຂົ້າຮ່ວມການເຄື່ອນໄຫວທາງການທະຫານຈະກັບຄືນສູ່ຖານທັບອາກາດເກເລັນເຄີເຊັນຂອງເຢຍລະມັນ.ຍົນສູ້ຮົບແລະກຳປັ່ນຕ່າງໆທີ່ເຂົ້າຮ່ວມການເຄື່ອນໄຫວທາງການທະຫານຈະກັບຄືນແຕ່ລະປະເທດ,ແລະບັນຊາໂດຍຄົນຈາກປະເທດນັ້ນໆ.
ໃນຕອນຄ່ຳມື້ດຽວກັນ,"ຄະນະກຳມະການຊົ່ວຄາວແຫ່ງຊາດ"ລີບີໄດ້ຈັດການປ່ອນບັດເລືອກຕັ້ງຢູ່ນະຄອນຫຼວງຕຼິໂປລີ,ແລະໄດ້ເລືອກຕັ້ງໃຫ້ທ່ານອັບເດວ ຣາຮິມ ອານ ເຄບເປັນປະທານຜູ່ໃໝ່ຂອງຄະນະບໍລິຫານງານຂອງຄະນະກຳມະການຊົ່ວຄາວແຫ່ງຊາດ.ໃນກອງປະຊຸມຂ່າວທີ່ຈັດຂຶ້ນໃນເວລາຕໍ່ມາ,ທ່ານເຄບກ່າວວ່າ,ການເລືອກຕັ້ງເທື່ອນີ້ໝາຍຄວາມວ່າ ລີບີໄດ້ຢ່ວງບາດກ້າວທຳອິດເຂົ້າສູ່ຂະບວນການປັບປຸງທາງການເມືອງຄືນໃໝ່.ທ່ານຈະປຶກສາຫາລືກັບຝ່າຍຕ່າງໆກ່ຽວກັບສະມາຊິກຂອງລັດຖະບານຊົ່ວຄາວໃນສອງອາທິດຂ້າງໜ້າ,ວຽກງານຈຸດສຸມໃນຕໍ່ໜ້ານີ້ຈະແມ່ນການເກັບຄືນອາວຸດທີ່ແຈກຢາຍໃຫ້ປະຊາຊົນຢູ່ແຫ່ງຕ່າງໆ,ຊອກຫາຜູ່ຫາຍສາບສູນ,ບັນລຸຄວາມປອງດອງແຫ່ງຊາດແລະຕອບສະໜອງຄວາມມຸ່ງມາດປາຖະໜາຂອງປະຊາຊົນລີບີ.
