ຕາມຂ່າວສານຈີນ:ວັນທີ1 ພະຈິກນີ້,ທ່ານວາງຈີນເຟິ່ງ ທີ່ເປິກສາຫ້ອງການວຽກງານອາຊຽນຂອງສະຖານທູດຈີນປະຈຳອິນໂດເນເຊຍໄດ້ຍື່ນເອກະສານອະນຸມັດ"ອະນຸສັນຍາສະບັບປັບປຸງເທື່ອທີ3ຂອງສົນທິສັນຍາໄມຕີຈິດແລະການຮ່ວມມືອາຊີຕາເວັນອອກສຽງໃຕ້"ໃຫ້ທ່ານໄຊຍະການ ສີສຸວົງ ຮອງເລຂາທິການໃຫຍ່ອາຊຽນ.
ທ່ານວາງຈີນເຟິ່ງກ່າວວ່າ,ໃນຖານະທີ່ເປັນປະເທດໃຫຍ່ຢູ່ນອກອາຊຽນທີ່ເຂົ້າຮ່ວມ"ສົນທິສັນຍາໄມຕີຈິດແລະການຮ່ວມມືອາຊີຕາເວັນອອກສຽງໃຕ້",ຈີນສຸມກຳລັງເຂົ້າໃນການຮ່ວມກັບອາຊຽນເສີມຂະຫຍາຍການພົວພັນຄູ່ຮ່ວມມືຍຸດທະສາດທີ່ເນັ້ນໃສ່ສັນຕິພາບແລະຄວາມຈະເລີນຮຸ່ງເຮືອງ,ເດັດດ່ຽວສະໜັບສະໜູນຖານະນຳພາຂອງອາຊີໃນການຮ່ວມມືກັບອາຊຽນຕາເວັນອອກ.ປີນີ້ແມ່ນຈີນກັບອາຊຽນສ້າງຕັ້ງສາຍພົວພັນຄູ່ເຈລະຈາຄົບຮອບ20ປີທັງເປັນປີແລກປ່ຽນໄມຕີຈິດມິດຕະພາບລະຫວ່າງຈີນກັບອາຊຽນ,ຈີນຍິນດີຮ່ວມມືກັບອາຊຽນ,ພັດທະນາຮ່ວມກັນ,ເປັນປະເທດໃກ້ຄຽງທີ່ດີ,ເພື່ອນມິດທີ່ດີ,ຄູ່ຮ່ວມມືທີ່ດີຂອງອາຊຽນຕະຫຼອດໄປ.
ທ່ານໄຊຍະການ ສີສຸວົງກ່າວວ່າ, ຂອບໃຈຈີນທີ່ໃຫ້ຄວາມສຳຄັນແລະສະໜັບສະໜູນການສ້າງສາປະຊາຄົມອາຊຽນແລະບົດບາດນຳພາຂອງອາຊຽນໃນວຽກງານພາກພື້ນ.ອາຊຽນຍິນດີພະຍາຍາມຮ່ວມກັບຈີນ,ຊຸກຍູ້ສັນຕິພາບ,ມິດຕະພາບແລະການຮ່ວມມືຂອງພາກພື້ນນີ້.
