ຈີນອິນເດຍເຕືອນໃຫ້ປະເທດທີ່ພັດທະນາແລ້ວປະຕິບັດຄຳໝັ້ນສັນຍາກ່ຽວກັບການປ່ຽນແປງດ້ານດິນຟ້າອາກາດ
(GMT+08:00) 2011-11-02 12:14:31 cri
ກອງປະຊຸມຂັ້ນລັດຖະມົນຕີກ່ຽວກັບການປ່ຽນແປງດ້ານດິນຟ້າອາກາດຄັ້ງທີ9ລະຫວ່າງຈີນ,ອິນເດຍ,ເບຼຊິນແລະອາຟຼິກກາໃຕ້ໄດ້ອັດລົງຢູ່ປັກກິ່ງໃນວັນທີ1ພະຈິກນີ້.ພາຍຫຼັງກອງປະຊຸມ,ຜູ່ແທນຈາກ4ປະເທດໄດ້ອອກຖະແຫຼງການຮ່ວມ,ກ່າວຢ້ຳວ່າຈະອອກແຮງສະໜັບສະໜູນລັດຖະບານອາຟຼິກກາໃຕ້ຈັດກອງປະຊຸມກ່ຽວກັບການປ່ຽນແປງຂອງດິນຟ້າອາ ກາດຢູ່ເດີບານໃນທ້າຍປີນີ້,ເຕືອນໃຫ້ປະເທດທີ່ພັດທະນາແລ້ວໃຫ້ຮັບພາລະໜ້າທີ່ໃນປະຫວັດສາດ,ປະຕິບັດຄຳໝັ້ນສັນຍາ,ຊ່ວຍເຫຼືອປະເທດທີ່ພວມພັດທະນາຮັບມືກັບການປ່ຽນແປງຂອງດິນຟ້າອາກາດໃນຫຼາຍດ້ານ,ຄືເງິນທຶນແລະເຕັກນິກດັ່ງນີ້ເປັນຕົ້ນ.
ຖະແຫຼງການຊີ້ອອກວ່າ,ປະເທດທີ່ເຊັນສັນຍາຊຶ່ງເປັນປະເທດທີ່ພັດທະນາແລ້ວຄວນໃຫ້ຄຳໝັ້ນສັນຍາດ້ານການຫຼຸດການລະບາຍອາຍພິດເຮືອນແກ້ວໃຫ້ລະອຽດເຖິງປະລິມານ,ປະເທດທີ່ບໍ່ໄດ້ເຊັນສົນທິສັນຍາແລະອະນຸສັນຍາກ່ຽວກັບການປ່ຽນແປງດ້ານດິນຟ້າ ອາກາດນັ້ນຄວນໃຫ້ຄຳໝັ້ນສັນຍາທີ່ລະອຽດເຖິງປະລິມານ ຊຶ່ງຈະສາມາດປຽບທຽບໄດ້.
ລັດຖະມົນຕີຂອງ4ປະເທດຍັງຮຽກຮ້ອງໃຫ້ປະເທດທີ່ພັດທະນາແລ້ວປະຕິບັດຄຳໝັນສັນຍາຂອງຕົນທີ່ກຳນົດອອກໃນກອງປະຊຸມກ່ຽວກັບການປ່ຽນແປງດ້ານດິນຟ້າອາ ກາດຂອງສະຫະປະຊາຊາດທີ່ໂກເປັນຮັກ ຄື ສະໜອງເງິນທຶນ30ຕື້ໂດລາສະຫະລັດເພື່ອເປີດໂຄງການ,ຮັບປະກັນໃນການສະໜອງເງິນທຶນຕ່າງຫາກອັນໃໝ່,ແລະຈະປະຕິບັດຄຳໝັ້ນສັນຍາວ່າເມື່ອຮອດປີ2020ຈະສະໜອງເງິນທຶນປີລະ100ຕື້ໂດລາສະຫະລັດ.
