ຕອນຄ່ຳວັນທີ2ພະຈິກນີ້, ຢູ່ນະຄອນການ, ທ່ານຫູຈິນທ່າວ, ປະທານປະເທດຈີນໄດ້ພົບປະກັບທ່ານນິໂກລັສ ຊາໂກຊີ, ປະທານາທິບໍດີຝຣັ່ງ. ທ່ານຫູຈິນທ່າວວ່າ, ຫວັງໃຫ້ກອງປະຊຸມສຸດຍອດການສົ່ງສັນຍານຈະແຈ້ງທີ່ຮັກສາການເຕີບໂຕແລະຄວາມໝັ້ນທ່ຽງຕໍ່ປະຊາຄົມໂລກ. ທ່ານພ້ອມທັງກ່າວເນັ້ນວ່າ, ຈີນເຊື່ອໝັ້ນວ່າເອີລົບມີສະຕິປັນຍາແລະຄວາມສາມາດໃນການແກ້ໄຂວິກິດການໜີ້ສິນ.
ທ່ານຊາໂກຊີກ່າວວ່າ, ຝຣັ່ງຍິນດີເພີ່ມທະວີການປະສານງານແລະຮ່ວມມືກັບຈີນ, ຮ່ວມກັນກັບຝ່າຍຕ່າງໆທີ່ກ່ຽວຂ້ອງທຳຄວາມພະຍາຍາມ, ຊຸກຍູ້ກອງປະຊຸມສຸດຍອດໄດ້ຮັບໝາກຜົນອັນຕັ້ງໜ້າ. ທ່ານຍັງກ່າວຕື່ມອີກວ່າ, ເອີລົບໃຫ້ຄຳໝັ້ນສັນຍາໃນການແກ້ໄຂວິກິດການໜີ້ສິນ, ຍິນດີທຳຄວາມພະຍາຍາມຂອງຕົນ, ແລະເພີ່ມທະວີການຮ່ວມມືກັບປະຊາຄົມໂລກ. ຝຣັ່ງໃຫ້ຄວາມສຳຄັນແກ່ບົດບາດຂອງຈີນ, ຍ້ອງຍໍຈີນທີ່ເອົາໃຈໃສ່ບັນຫາສາກົນທີ່ສຳຄັນ, ຍິນດີຮັກສາການແລກປ່ຽນແລະການປຶກສາຫາລືກັບຈີນຢ່າງໃກ້ຊິດ.
