ໃນ5ປີຕໍ່ໜ້າ,ຈີນຈະບັນລຸຄາດໝາຍທີ່ອາຍຸຍືນສະເລ່ຍຕໍ່ຫົວຄົນໃຫ້ສູງຂຶ້ນ1ປີ
(GMT+08:00) 2011-11-03 18:54:32 cri
ທ່ານເສິນຈູ ລັດຖະມົນຕີວ່າການກະຊວງສາທາລະນະສຸກຈີນກ່າວໃນຫວ່າງມໍ່ໆນີ້ຢູ່ນະຄອນຫຼວງປັກກິ່ງວ່າ,ໃນ5ປີຕໍ່ໜ້ານີ້,ການປະຕິຮູບແລະການພັດທະນາທາງດ້ານສາທາລະນະສຸກຂອງຈີນຈະຖືເອົາການເພີ່ມອາຍຸຍືນສະເລ່ຍຕໍ່ຫົວຄົນຕາມຄວາມຄາດຫວັງໃຫ້ສູງຂຶ້ນ1ປີເປັນເປົ້າໝາຍໃຈກາງ.
ທ່ານເສິນຈູກ່າວຢູ່ທີ່ເວທີປຶກສາຫາລືວິທະຍາສາດກັບວັດທະນະທຳສັງຄົມຈີນວ່າການພັດທະນາວຽກງານສາທາລະນະສຸກຂອງຈີນໃນຕໍ່ໜ້າຄວນປ່ຽນແປງຈາກຮູບແບບເກົ່າທີ່ຖືການປິ່ນປົວພະຍາດເປັນໃຈກາງນັ້ນ, ຫັນຈຸດສຸມໄປສູ່ການກັນພະຍາດແລະເຮັດໃຫ້ປະຊາຊົນມີສຸຂະພາບເຂັ້ມແຂງ.ເລັ່ງລັດການນຳເອົາຜົນສຳເລັດດ້ານວິທະຍາສາດການແພດຢູ່ໃນຫ້ອງທົດລອງນັ້ນໄປນຳໃຊ້ເຂົ້າໃນການປິ່ນປົວຕົວຈິງ,ໃນທີ່ສຸດ,ຜ່ານຈາກການຈັດຕັ້ງປະຕິບັດນະໂຍບາຍແລະລະບຽບການສາທາລະນະສຸກເພື່ອສ້າງຜົນປະໂຫຍດໃຫ້ແກ່ປະຊາຊົນໃຫ້ຫຼາຍເທົ່າທີ່ຈະຫຼາຍໄດ້.
ອາຍຸຍືນສະເລ່ຍຕໍ່ຫົວຄົນຕາມຄາດຄະເນແລ້ວ,ຜູ່ຄົນທີ່ເກີດຢູ່ໃນໄລຍະດຽວກັນຈະສາມາດສືບຕໍ່ມີອາຍຸຍືນສະເລ່ຍຕໍ່ຫົວຄົນເທົ່າໃດປີນັ້ນໄດ້ຮັບຜົນກະທົບຢ່າງຈະແຈ້ງຈາກເງື່ອນໄຂເສດຖະກິດສັງຄົມແລະລະດັບການປິ່ນປົວພະຍາດແລະສາທາລະນະສຸກ.ຕາມສະຖິຕິ,ນັບມາຮອດປີ2010,ອາຍຸຍືນສະເລ່ຍຕໍ່ຫົວຄົນຕາມຄາດຫວັງຂອງຈີນເກືອບຮອດ74ປີແລ້ວ.
