ພາລະກິດການບິນອະວະກາດຂອງຈີນກ້າວເຂົ້າສູ່ຍຸກສະຖານີອະວະກາດ
(GMT+08:00) 2011-11-03 16:29:46 cri
ພາຍຫຼັງກຳໄດ້ເຕັກນິກອັນສຳຄັນໃນການສົ່ງຍານອະວະກາດຂຶ້ນສູ່ອະວະກາດແລ້ວກັບຄືນສູ່ພື້ນດິນແລະເຕັກນິກໃຫ້ນັກບິນອອກຈາກຍານຢູ່ເທິງອະວະກາດແລ້ວ, ຍານອະວະກາດເສິນໂຈ່ວເລກ8ໄດ້ເຊື່ອມຕໍ່ກັບຍານອະວະກາດທ່ຽນກົ່ງເລກ1ໃນອະວະກາດເປັນຄັ້ງທຳອິດ, ພາລະກິດການບິນອະວະກາດຂອງຈີນໄດ້ກຳເຕັກນິກເຊື່ອມຕໍ່ໃນອະວະກາດ ເຊິ່ງເປັນເຕັກນິກຢ່າງສຸດທ້າຍໃນເຕັກນິກພື້ນຖານ3ຢ່າງຂອງການບິນອະວະກາດບັນທຸກມະນຸດ.
ນີ້ແມ່ນພາລະກິດການບິນອະວະກາດບັນທຸກມະນຸດຂອງຈີນໄດ້ກ້າວຂຶ້ນສູ່ລະດັບສູງໃໝ່,ເຊິ່ງໝາຍຄວາມວ່າ, ຈີນໄດ້ກ້າວເຂົ້າສູ່ຍຸກສະຖານີອະວະກາດແລ້ວ.
ສະຖານີອະວະກາດແມ່ນສິ່ງກຳເນີດທີ່ເປັນສັນຍະລັກຈາກເຕັກນິກການບິນອະວະກາດບັນທຸກມະນຸດໃນຍຸກປະຈຸບັນ, ແລະກໍແມ່ນເປົ້າໝາຍສຸດທ້າຍໃນຍຸດທະສາດສາມບາດກ້າວຂອງພາລະກິດການບິນອະວະກາດບັນທຸກມະນຸດຂອງຈີນ.
ໃນຖານະເປັນສະຖານທີ່ໃໝ່ອ່ຽມແຫ່ງການຄົ້ນຄວ້າອະວະກາດແລະພັດທະນາວິທະຍາສາດເຕັກນິກ, ສະຖານີອະວະກາດທີ່ບິນໃນວົງໂຄຈອນໃກ້ໜ່ວຍໂລກເປັນເວລາດົນນານ, ບໍ່ພຽງແຕ່ສາມາດໃຫ້ນັກບິນອະວະກາດດຳລົງຊີວິດແລະເຮັດວຽກໃນສະຖານີອະວະກາດເປັນໄລຍະດົນນານເທົ່ານັ້ນ, ຍັງສາມາດສ້າງສະພາບແວດລ້ອມທີ່ເປັນເງື່ອນໄຂອຳນວຍຄວາມສະດວກໃນເວລາຢູ່ບ່ອນສູງ, ສູນອາກາດແລະມີແຮງດຶງດູດຂອງໜ່ວຍໂລກບໍ່ຫຼາຍ ທີ່ຕ່າງກັບສະພາບແວດລ້ອມຢູ່ເທິງໜ່ວຍໂລກ, ເຊິ່ງມີຄວາມໝາຍພິເສດຕໍ່ການຄົ້ນຄວ້າໃນຂົງເຂດຕ່າງໆ ເຊັ່ນ: ວິທະຍາສາດໜ່ວຍໂລກ, ການຄົ້ນຄວ້າອະວະກາດຊັ້ນນອກ, ວິຊາວັດຖຸ, ວິຊາຊີວະສາດ, ວິຊາຜະລິດຢາແລະອື່ນໆ.
ນີ້ແມ່ນພາລະກິດການບິນອະວະກາດບັນທຸກມະນຸດຂອງຈີນໄດ້ຢ່ວງບາດກ້າວຄັ້ງປະຫວັດສາດອີກກ້າວໜຶ່ງ. ຍານອະວະກາດເຊື່ອມຕໍ່ກັນຢູ່ໃນອະວະກາດຢ່າງສຳເລັດຜົນ, ນັ້ນຈະເຮັດໃຫ້ຈີນມີຄວາມສາມາດປະກອບແລະຕິດຕັ້ງສະຖານີອະວະກາດໃນອະນາຄົດ, ສາມາດຂົນສົ່ງເຄື່ອງຂອງແລະຄົນໄປຍັງສະຖານີອະວະກາດ, ແລະຍັງມີຄວາມໝາຍສຳຄັນເກີນຄາດໝາຍໃນຫຼາຍຂະແໜງການທີ່ມີຄວາມບົ່ມຊ້ອນ ເຊັ່ນ: ສົ່ງຍານອະວະກາດບັນທຸກມະນຸດໄປຂຶ້ນດວງຈັນ, ການຄົ້ນຄວ້າອະວະກາດຊັ້ນນອກແລະອື່ນໆ.
ຄຽງຄູ່ກັບຄວາມກ້າວໜ້າຂອງເຕັກນິກສະຖານີອະວະກາດ, ຈີນຍ່ອມຈະສາມາດຜ່ານຈາກການຄົ້ນຄວ້າອະວະກາດ, ປະກອບສ່ວນເທົ່າທີ່ຄວນເພື່ອໃຫ້ມະນຸດຮ່ວມກັນຊົມໃຊ້ຄວາມສີວິໄລທາງອະວະກາດ.
