ປັກກິ່ງມີແຜນຈະສ້າງໃຫ້ເປັນເມືອງສູນກາງທາງດ້ານການເງິນທີ່ມີຊື່ສຽງໃນສາກົນ
(GMT+08:00) 2011-11-04 15:33:11 cri
ໃນພິທີໄຂງານເອັກສໂປການເງິນສາກົນປັກກິ່ງຄັ້ງທີ7ໃນເມື່ອມໍ່ໆມານີ້,ທ່ານໂກ່ວຈິ່ນຫຼົງ ເຈົ້າຄອງນະຄອນຫຼວງປັກກິ່ງກ່າວວ່າ,ປັກກິ່ງມີແຜນຈະສ້າງໃຫ້ເປັນເມືອງສູນກາງທາງດ້ານການເງິນທີ່ມີຊື່ສຽງໃນສາກົນ.
ທ່ານໂກ່ວຈິ່ນຫຼົງກ່າວວ່າ,ຄຽງຄູ່ກັບຂະແໜງການການເງິນພັດທະນາຢ່າງວ່ອງໄວ,ຜະລິດຕະພັນການເງິນຂອງນະຄອນຫຼວງປັກກິ່ງໄດ້ຮັບການປະດິດສ້າງໃໝ່ເລື້ອຍໆແລະພັດທະນາຢ່າງໜັກແໜ້ນ.ຕະຫຼາດຊື້ຂາຍຜະລິດຕະພັນການເງິນລະດັບຊາດແຫ່ງຕ່າງໆເຊັ່ນຕະຫຼາດຊື້ຂາຍຜະລິດຕະພັນການເງິນຈີນໄດ້ເປີດດຳເນີນທຸລະກິດຢູ່ປັກກິ່ງຢ່າງສຳເລັດຜົນ,ຕະຫຼາດຊື້ຂາຍສິດຊັບສິນປັກກິ່ງໄດ້ກາຍເປັນລະບົບຊື້ຂາຍສິດຊັບສິນທີ່ໃຫຍ່ທີ່ສຸດຂອງຈີນ.
ໃນ5ປີທີ່ຜ່ານມາ,ມູນຄ່າເພີ່ມສະເລ່ຍຕໍ່ຫົວຄົນຂອງຂະແໜງການການເງິນນະຄອນຫຼວງປັກກິ່ງໄດ້ເພີ່ມຂຶ້ນ11%,ຍອດປະລິມານຊັບສິນຂະແໜງການການເງິນໄດ້ເພີ່ມຂຶ້ນ1,4ເທົ່າ.ສະເພາະແຕ່9ເດືອນປີນີ້,ຍອດມູນຄ່າຊື້ຂາຍຊັບສິນທາງການເງິນຂອງປັກກິ່ງໄດ້ມີຫຼາຍກວ່າ6200ຕື້ຢວນ.
