ເຈົ້າໜ້າທີ່ສູນບັນຊາການຕ້ານໄພນ້ຳຖ້ວມແລະກູ້ໄພຂອງໄທກ່າວວ່າການຂົ່ມຂູ່ອັນບົ່ມຊ້ອນຕໍ່ນະຄອນ ຫຼວງບາງກອກຍັງບໍ່ທັນໄດ້ຮັບການແກ້ໄຂ
(GMT+08:00) 2011-11-04 11:10:06 cri
ຕາມຂ່າວສານຊິນຮວາ: ວັນທີ3ພະຈິກນີ້, ທ່ານປຣະຊາ ພຣົມນອກລັດຖະມົນຕີວ່າການກະຊວງຍຸດຕິທຳ, ຫົວໜ້າສູນການບັນຊາການຕ້ານໄພນໍ້າຖ້ວມແລະກູ້ໄພຂອງໄທກ່າວວ່າ, ຍັງມີປະລິມານນ້ຳຫຼາຍກວ່າ1ຕື້ແມັດກ້ອນຈາກພາກເໜືອຂອງນະຄອນຫຼວງບາງກອນໄຫຼເຂົ້າສູ່ເຂດຕົວເມືອງຂອງບາງກອກ, ແລະອາດຈະໄຫຼສູ່ໝົດທຸກເຂດຂອງບາງກອກ, ປະຊາຊົນບາງກອກຕ້ອງມີຄວາມເຂົ້າໃຈເຖິງໄພຂົ່ມຂູ່ທີ່ບົ່ມຊ້ອນຂອງນ້ຳຖ້ວມເທື່ອນີ້ແກ່ນະຄອນຫຼວງບາງກອກ.
ທ່ານປຣະຊາພຣົມນອກກ່າວອີກວ່າ: ສູນບັນຊາການຕ້ານໄພນ້ຳຖ້ວມແລະກູ້ໄພຈະອອກແຮງຊ່ວຍເຫຼືອໃນການຕ້ານໄພຂອງນະຄອນຫຼວງບາງກອກ, ແລະຈະໃຫ້ການສະໜັບສະໜູນທາງດ້ານກຳລັງຄົນ,ວັດຖຸແລະອື່ນໆ, ເພື່ອຊ່ວຍເຫຼືອແກ່ນະຄອນຫຼວງບາງກອກໃນການຕ້ານໄພນ້ຳຖ້ວມ.
