ຍອດມູນຄ່າການຄ້າກັບຕ່າງປະເທດຂອງຈີນມີຫຼາຍກວ່າ3ພັນຕື້ໂດລາ
(GMT+08:00) 2011-11-04 11:14:53 cri
ຕາມຂ່າວCRI: ວັນທີ3ພະຈິກນີ້, ຜູ້ຮັບຜິດຊອບກົມໃຫຍ່ດ່ານພາສີຂອງຈີນກ່າວວ່າ,ຕາມສະຖິຕິໃນເບື້ອງຕົ້ນໃຫ້ຮູ້ວ່າ,ມາຮອດວັນທີ2ພະຈິກນີ້,ຍອດມູນຄ່າການຄ້າກັບຕ່າງປະເທດຂອງຈີນມີຫຼາຍກວ່າ3ພັນຕື້ໂດລາ, ເຊິ່ງເປັນສະຖິຕິສູງສຸດໃນປະຫວັດສາດຜ່ານມາ.
ຜູ້ຮັບຜິດຊອບທ່ານນີ້ກ່າວຕື່ມວ່າ, ແຕ່ຕົ້ນປີນີ້ເປັນຕົ້ນມາ, ຍ້ອນປະເຊີນກັບສະພາບການເສດຖະກິດສາກົນທີ່ສັບສົນແລະຫຍຸ້ງຍາກ,ຈີນໄດ້ນຳໃຊ້ມາດຕະການອັນເໝາະສົມເຮັດໃຫ້ການເພີ່ມຂຶ້ນທາງດ້ານເສດຖະກິດມີຄວາມໝັ້ນທ່ຽງ, ປັບປຸງໂຄງປະກອບ,ຊຸກຍູ້ໃຫ້ມີຄວາມດຸ່ນດ່ຽງ, ເລັ່ງລັດການປ່ຽນແປງຮູບແບບການພັດທະນາທາງດ້ານເສດຖະກິດການຄ້າກັບຕ່າງປະເທດ, ຊຸກຍູ້ໃຫ້ການຄ້າກັບຕ່າງປະເທດຂອງຈີນໄດ້ຮັກສາລະດັບການເພີ່ມຂຶ້ນໂດຍໄວແລະມີຄວາມໝັ້ນທ່ຽງ.
ຂ່າວແຈ້ງວ່າ,ຍອດມູນຄ່າການຄ້າກັບຕ່າງປະເທດຂອງຈີນໃນປີ2004ມີຫຼາຍກວ່າ1ພັນຕື້ໂດລາແລະປີ2007ມີຫຼາຍກວ່າ2ພັນຕື້ໂດລາ.
