ກອງປະຊຸມສຸດຍອດຄັ້ງທີ6G20ໄດ້ຜ່ານ"ແຜນການປະຕິບັດງານການ"ທີ່ມີຈຸດປະສົງເພື່ອຊຸກຍູ້ການເຕີບໂຕດ້ານເສດຖະກິດແລະການປະກອບອາຊີບ
(GMT+08:00) 2011-11-05 14:30:05 cri
ຕາມຂ່າວCRI: ວັນທີ4ພະຈິກນີ້, ກອງປະຊຸມສຸດຍອດຄັ້ງທີ6ຂອງຜູ້ນຳກຸ່ມ 20ປະເທດຫຼືG20ໄດ້ອັດລົງໃນສູນປະຊຸມຮູບເງົາການ, ແລະໄດ້ຜ່ານ"ແຜນການປະຕິບັດງານການ"ທີ່ມີຈຸດປະສົງເພື່ອຊຸກຍູ້ການເຕີບໂຕດ້ານເສດ ຖະກິດແລະການປະກອບອາຊີບ.
ຫຼັງກອງປະຊຸມໄດ້ປະກາດແຈ້ງການຂຽນວ່າ, ຜູ້ນຳຕ່າງໆທີ່ມາເຂົ້າຮ່ວມກອງປະຊຸມໄດ້ຜ່ານ"ແຜນການປະຕິບັດງານຊຸກຍູ້ການເຕີບໂຕດ້ານເສດ ຖະກິດແລະການປະກອບອາຊີບ", ຕົກລົງນຳໃຊ້ມາດຕະການອັນດຽວກັນ, ເພື່ອຮັບມືກັບບັນຫາອ່ອນແອດ້ານເສດຖະກິດໃນໄລຍະສັ້ນ, ແລະຈະປັບປຸງພື້ນຖານຂອງການເຕີບໂຕດ້ານເສດຖະກິດຢ່າງແຂງແຮງ, ຍືນຍົງແລະດຸ່ນດ່ຽງໃນໄລຍະກາງ.
ແຜນການນີ້ໄດ້ໃຫ້ຄຳໝັ້ນສັນຍາວ່າ, ອົງກອນເສດຖະກິດທີ່ພັດທະນາແລ້ວຈະນຳໃຊ້ມາດຕະການເພື່ອສ້າງຄວາມໝັ້ນໃຈຄືນໃໝ່ແລະສະໜັບສະໜູນຕໍ່ການເຕີບໂຕດ້ານເສດຖະກິດ, ປະຕິບັດມາດຕະການປັບປຸງດ້ານການເງິນຢ່າງຈະແຈ້ງ, ສາມາດອ້າງອີງໄດ້ແລະລະອຽດ. ປະເທດທີ່ມີຄວາມເຫຼືອເຟື້ອດ້ານການເງິນຈະນຳໃຊ້ມາດຕະການຕ່າງຫາກ, ສະໜັບສະໜູນຄວາມຕ້ອງການພາຍໃນ. ປະເທດສະມາຊິກຂອງG20ຕ້ອງເລັ່ງລັດການປ່ຽນແປງດ້ານໂຄງປະກອບຕື່ມອີກ, ຍົກສູງອັດຕາການການເຕີບໂຕທີ່ອັນບົ່ມຊ້ອນຢູ່. ນະໂຍບາຍຂອງປະເທດສະມາຊິກຕ່າງໆໃນໄລຍະກາງຕ້ອງຮັກສາຄວາມໝັ້ນທ່ຽງຂອງລາ ຄາສິນຄ້າ, ແລະສືບຕໍ່ສະໜັບສະໜູນການຟື້ນຟູເປັນປົກກະຕິດ້ານເສດຖະກິດ.
