ຍານອາວະກາດ"ເຊິນໂຈ່ວເລກ8"ແລະ"ທ່ຽນກົ່ງເລກ1"ທີ່ເຊື່ອມຕໍ່ເຂົ້າກັນແລ້ວນັ້ນຈະດຳເນີນການຮັກສາວົງໂຄຈອນເປັນເທື່ອທຳອິດ
(GMT+08:00) 2011-11-05 15:50:38 cri
ພາຍໃຕ້ການຄວບຄຸມຈາກສູນຄວບຄຸມການບິນອາວະກາດປັກກິ່ງ,ຍານອາວະກາດ"ເຊິນໂຈ່ວເລກ8"ແລະ"ທ່ຽນກົ່ງເລກ1"ຂອງຈີນທີ່ເຊື່ອມຕໍ່ເຂົ້າກັນແລ້ວນັ້ນໄດ້ສຳເລັດການຮັກສາວົງໂຄຈອນເປັນເທື່ອທຳອິດໃນ11ໂມງ37ນາທີວັນທີ4ພະຈິກນີ້,ເຮັດໃຫ້ຍານອາວະກາດທີ່ເຊື່ອມຕໍ່ເຂົ້າກັນນັ້ນຮັກສາຢູ່ໃນວົງໂຄຈອນ343ກິໂລແມັດ.
ທ່ານທົງປິ່ນ,ວິສະວະກອນໃຫຍ່ຂອງສູນຄວບຄຸມການບິນອາວະກາດປັກກິ່ງບອກໃຫ້ຮູ້ວ່າ,ເມື່ອສຳເລັດການເຊື່ອມຕໍ່ແລ້ວ,ຍານອາວະກາດສອງລຳນີ້ໄດ້ເຊື່ອມຕໍ່ເຂົ້າກັນຢ່າງແໜ້ນແຟ້ນ.ຮູບແບບການຄວບຄຸມການບິນກໍ່ໄດ້ຈາກການຄວບຄຸມຕໍ່ຍານອາວະກາດສອງລຳກາຍເປັນການຄວບຄຸມຕໍ່ຍານເຊື່ອມຕໍ່ລຳດຽວ,ຍານອາວະກາດ"ທ່ຽນກົ່ງເລກ1"ຮັບຜິດຊອບຄວບຄຸມທ່າບິນແລະໂຄຈອນຂອງຍານເຊື່ອມຕໍ່.
