ນາຍົກຈີນເດີນທາງໄປເຂົ້າຮ່ວມກອງປະຊຸມນາຍົກລັດຖະມົນຕີຂອງອົງການຮ່ວມມືຊຽງໄຮ
(GMT+08:00) 2011-11-06 14:40:41 cri
ຕອນເຊົ້າວັນທີ 6 ພະຈິກນີ້, ທ່ານເວີນເຈ່ຍປາວ, ນາຍົກລັດຖະມົນຕີຈີນຂີ່ໄດ້ອອກຈາກປັກກິ່ງ, ເດີນທາງໄປແຊງເປເຕີສ໌ບວກຂອງຣັດເຊຍເພື່ອເຂົ້າຮ່ວມກອງປະຊຸມນາຍົກລັດຖະມົນຕີຂອງອົງການຮ່ວມມືຊຽງໄຮຄັ້ງທີ 10.
ກອງປະຊຸມເທື່ອນີ້ພໍດີແມ່ນປີທຳອິດຂອງການພັດທະນາ 10 ປີຮອບໃໝ່ແລະ"ປີໄມຕິຈິດກັບບ້ານໃກ້ເຮືອນຄຽງທີ່ດີຕໍ່ກັນ"ຄັ້ງທຳອິດຂອງອົງການຮ່ວມມືຊຽງໄຮ, ຫວ່າງກ່ອນນີ້ບໍ່ດົນ, ທ່ນເຊີງໂກວພີງ, ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ກອງປະຊຸມຈະຕົກລົງທິດທາງພື້ນຖານຂອງການຮ່ວມມືຢ່າງແທ້ຈິງໃນ10 ປີຕໍ່ໜ້າຂອງອົງການຮ່ວມມືຊຽງໄຮ. ໃນໄລຍະຈັດກອງປະຊຸມ, ທ່ານເວີ່ນເຈ່ຍປາວສະຫຼຸບພ້ອມກັບຜູ້ນຳປະເທດທີ່ກ່ຽວຂ້ອງຂອງອົງການຮ່ວມມືຊຽງໄຮສະຫຼຸບສະພາບການຮ່ວມມືໃນຂົງເຂດຕ່າງໆໃນປີທີ່ຜ່ານມາ, ລົງເລິກວິເຄາະສະຖານະການພາກພື້ນແລະສາກົນໃນປະຈຸບັນ, ແລະປະສານສົມທົບກັບຄວາມຮັບຮູ້ຄືກັນຂອງກອງປະຊຸມສຸດຍອດອັສທານາທີ່ຈັດຂຶ້ນໃນເດືອນມິຖຸນາປີນີ້, ວາງແຜນແລະຈັດວາງກ່ຽວກັບຕໍ່ຊຸກຍູ້ການຮ່ວມມືໃນຂົງເຂດຄວາມປອດໄພ, ເສດຖະກິດແລະວັດທະນະທຳເປັນຕົ້ນ.
ອົງການຮ່ວມມືຊຽງໄຮສ້າງຕັ້ງຂຶ້ນໃນປີ 2001, ມີ 6 ປະເທດສະມາຊີກຄື: ກາຊັກສະຖານ, ຈີນ, ກຽກກິດສະຖານ, ຣັດເຊຍ, ຕາຊີກີສະຖານແລະອຸສເບກີສະຖານ
