ຊາວມຸສລິມຈີນສະເຫຼີມສະຫຼອງບຸນກູບານ
(GMT+08:00) 2011-11-06 15:14:06 cri
ວັນທີ 7 ພະຈິກແມ່ນບຸນກູບານບຸນປະເພນີຂອງຊາວມຸສລິມ. ໃນເວລາບຸນປະເພນີດັ່ງກ່າວໃກ້ຈະມາເຖິງ, ຊາວມຸສລິມຈີນພາກັນຈັດກິດຈະກຳຕ່າງໆເພື່ອສະເຫຼີມສະຫຼອງ.
ວັນທີ 5 ພະຈິກນີ້, ເຂດປົກຄອງຕົນເອງອຸຍເກີຊິ່ງຈ່ຽງຈັດງານໂອ້ລົມບຸນກູບານ, ຜູ້ຕາງໜ້າຂອງຊົນເຜົ່າຕ່າງໆແລະວົງການຕ່າງໆເຕົ້າໂຮມກັນເພື່ອສະຫຼອງວັນບຸນ. ນອກນີ້, ຊາວມຸສລິມ 10 ກວ່າຊົນເຜົ່າເຊັ່ນເຜົ່າອຸຍເກີແລະເຜົ່າຮຸຍເປັນຕົ້ນຂອງເຂດຊິ່ນຈ່ຽງ 400 ກວ່າຄົນທີ່ອາໄສຢູ່ປັກກິ່ງກໍ່ໄດ້ຈັດງານມ່ວນຊື່ນໃນຕອນຄ່ຳວັນທີ 5 ພະຈິກນີ້, ເພື່ອສະເຫຼີມສະຫຼອງບຸນກູບານ.
ບຸນກູບານຍັງມີຊື່ວ່າບຸນອັດຮາ, ຕົກຢູ່ໃນວັນທີ 10 ເດືອນ 12 ຕາມຈັນທະຄະຕີອິສລາມ. ເຊິ່ງເປັນອັນສຸດທ້າຍໃນໄລຍະນະມັດສະການ. ໃນວັນບຸນດັ່ງກ່າວ, ຊາວມຸສຈະຂ້າສັດເພື່ອທວາຍໃຫ້ພະອານລາ. ສະນັ້ນ, ບຸນນີ້ຍັງແປວ່າບຸນຂ້າສັດ.
