ທ່ານຫູຈີນທ່າວ,ປະທານປະເທດຈີນໄດ້ເຂົ້າຮ່ວມກອງປະຊຸມສຸດຍອດຄັ້ງທີ6ຂອງກ່ມG20ທີ່ຈັດຂຶ້ນຢູ່ເມືອງການຂອງຝະຣັ່ງແຕ່ວັນທີ3ຫາວັນທີ4ພະຈິກນີ້, ຫລັງກອງປະຊຸມ, ທ່ານມາຈ່າວຊູ້, ໂຄສົກຄະນະຜູ້ແທນຈີນກ່າວວ່າ, ກອງປະຊຸມຄັ້ງນີ້ໄດ້ຮັບໝາກຜົນອັນຕັ້ງໜ້າແລະດຸ່ນດ່ຽງໂດຍລວມ.
ທ່ານມາຈ່າວຊູ້ແນະນໍາວ່າ, ກອງປະຊຸມສຸດຍອດໄດ້ຖືການປຶກສາຫາລືບັນຫາວິກິດການໜີ້ສິນພາກລັດຂອງປະເທດເອີຣົບເປັນຈຸດສຸມ, ຝ່າຍຕ່າງໆຫວັງວ່າມາດຕະການໃໝ່ທີ່ສະຫະພາບເອີຣັບວາງອອກໃນໄລຍະມໍ່ໆນີ້ມີຜົນດີຕໍ່ຕະຫລາດການເງິນເອີຣັບມີຄວາມໝັ້ນທ່ຽງ, ຊຸກຍ້ໃຫູ້ເສດຖະກິດຟື້ນຟູແລະພັດທະນາ.
ທ່ານມາຈ່າວຊູ້ຊີ້ອອກວ່າ, ກອງປະຊຸມສຸດຍອດກ່າວເນັ້ນວ່າ, ການແກ້ໄຂບັນຫາພັດທະນາແມ່ນວຽກງານສໍາຄັນໃນການຊຸກຍູ້ເສດຖະກິດໂລກໃຫ້ຟື້ນຟູ, ແລະຊຸກຍູ້ເສດຖະກິດເຕີບໂຕໃນອະນາຄົດ, ກຸ່ມG20ຈະສືບຕໍ່ຖືບັນຫາພັດທະນາເປັນຫົວຂໍ້ສໍາຄັນຂອງກອງປະຊຸມສຸດຍອດຄັ້ງຕໍ່ໄປ.
ທ່ານມາຈ່າວຊູ້ຍັງກ່າວວ່າ, ພາຍໃຕ້ສະພາບການຕະຫລາດການເງິນສາກົນເກີດຄວາມບໍ່ໝັ້ນທ່ຽງອັນຮຸນແຮງ, ຫລາຍປະເທດທີ່ພວມພັດທະນາທີ່ຖືປະເທດທີ່ມີຕະຫລາດຈະເລີນໃໝ່ໃນກຸ່ມG20ເປັນຕົວແທນໄດ້ຕັ້ງໜ້າເຂົ້າຮ່ວມການປັບປຸງແກ້ໄຂເສດຖະກິດໂລກ, ກາຍເປັນຜູ້ເຂົ້າຮ່ວມທີ່ມີລັກສະນະສ້າງສັນໃນການຮັກສາການເງິນສາກົນໃຫ້ມີຄວາມໝັ້ນທ່ຽງ, ຊຸກຍູ້ໃຫ້ເສດຖະກິດໂລກເຕີບໂຕ.ນີ້ສະແດງໃຫ້ເຫັນເຖິງການປັບປຸງອັນເລິກເຊິ່ງແລະການປ່ຽນແປງທີ່ມີລັກສະນະປະຫວັດສາດຂອງລະບຽບເສດຖະກິດໂລກ.
