ວັນທີ4ພະຈິກນີ້, ທ່ານຫລີຮຸ່ຍ, ເອກອັກຄະລັດຖະທູດຈີນປະຈໍາຣັດເຊຍກ່າວວ່າ, ການຊຸກຍູ້ການຮ່ວມມືດ້ານເສດຖະກິດພາກພື້ນຂອງອົງການຮ່ວມມືຊຽງໄຮແມ່ນໜ້າທີ່ສໍາຄັນຂອງກອງປະຊຸມນາຍົກລັດຖະມົນຕີຂອງອົງການຮ່ວມມືຊຽງໄຮຄັ້ງນີ້.
ທ່ານຫລີຮຸ່ຍກ່າວວ່າ, ຈີນສະເໜີວ່າ, ຄວນສືບຕໍ່ຕັ້ງໜ້າຊຸກຍູ້ຂະບວນການຫັນການລົງທຶນການຄ້າໃນພາກພື້ນເປັນແບບສະດວກ, ເລີ່ມດໍາເນີນການຄົ້ນຄວ້າຮ່ວມຂອງປະເທດສະມາຊິກຂອງອົງການຮ່ວມມືຊຽງໄຮໃນເວລາເໝາະສົມກ່ຽວກັບຄວາມອາດເປັນໄປໄດ້ໃນການສ້າງເຂດການຄ້າເສລີ. ຊຸກຍູ້ການຮ່ວມມືດ້ານເຕັກນິກແລະເສດຖະກິດໃນຂົງເຂດທີ່ບໍ່ແມ່ນຊັບພະຍາກອນ.ຊອກຫາຊ່ອງທາງລະດົມທຶນໃຫ້ຫລາຍກວ່າເກົ່າ, ຕັ້ງໜ້າຄົ້ນຄວ້າການສ້າງທະນາຄານພັດທະນາຂອງອົງການຮ່ວມມືຊຽງໄຮ. ຊຸກຍູ້ການແລກປ່ຽນແລະຮ່ວມມືລະຫວ່າງວິສາຫະກິດອຸດສາຫະກໍາການຄ້າໃນພາກພື້ນ.
