ປີໜ້າຈີນຈະລົງທຶນ 3 ຕື້ 600 ລ້ານຢວນເພື່ອສະໜັບສະໜູນໂຄງການພັດທະນາກະສິຮອບດ້ານ
(GMT+08:00) 2011-11-07 16:32:06 cri
ຫວ່າງມໍ່ໆນີ້ກະຊວງການເງິນຈີນແຈ້ງຂ່າວວ່າ, ປີໜ້າຈີນຈະລົງທຶນ 3 ຕື້ 600 ລ້ານຢວນເພື່ອສະໜັບສະໜູນໂຄງການພັດທະນາກະສິກຳຮອບດ້ານ.
ງົບປະມານຈຳນວນນີ້ຕົ້ນຕໍຈະນຳໃຊ້ເຂົ້າໃນການກໍ່ສ້າງແຫຼ່ງຜະລິດກະສິກຳທີ່ມີສະມັດຕະພາບສູງ, ແຫຼ່ງລ້ຽງສັດນ້ຳ, ສະໜັບສະໜູນການປຸງແຕ່ງຜະລິດຕະພັນກະສິກຳແລະໂຄງການທີ່ຮັບໃຊ້ວຽກງານກະສິກຳ, ສ້າງເງື່ອນໄຂໃນການເລັ່ງລັດພັດທະນາກະສິກຳທັນສະໄໝ, ຊຸກຍູ້ໃຫ້ຊາວກະສິກອນມີລາຍໄດ້ເພີ່ມຢ່າງຕໍ່ເນື່ອງ.
ຕາມຕົວເລກສະຖິຕິ, ແຕ່ປີ 2006 ຫາປີ 2010, ໂດຍຜ່ານການສະໜັບສະໜູນໂຄງການພັດທະນາກະສິກຳຮອບດ້ານ, ຈີນໄດ້ສ້າງແຫຼ່ງຜະລິດຜະລິດກະສິກຳທີ່ມີສະມັດຕະພາບສູງ 2 ແສນ 6 ໝື່ນກວ່າເຮັກຕາ, ແລະແຫຼ່ງລ້ຽງປາປະມານ 3 ໝື່ນເຮັກຕາ, ເຮັດໃຫ້ຊາວກະສິກອນ 22 ລ້ານກວ່າຄົນໄດ້ຮັບຜົນປະໂຫຍດໂດຍກົງໃນທຸກປີ, ແລະເຮັດໃຫ້ຊາວກະສິກອນມີລາຍໄດ້ສະເລ່ຍເພີ່ມຂຶ້ນ 500 ຢວນຕໍ່ຫົວຄົນ
