ງານແລກປ່ຽນຊັບພະຍາກອນມະນຸດສາກົນຄັ້ງທີ10ອັດລົງ ຕົກລົງສັນຍາເຈດຕະນາການຮ່ວມມື1500ກວ່າສະບັບ
(GMT+08:00) 2011-11-07 15:57:30 cri
ວັນທີ6ພະຈິກນີ້, ງານແລກປ່ຽນຊັບພະຍາກອນມະນຸດສາກົນຄັ້ງທີ10ທີ່ຈັດຂຶ້ນຢູ່ນະຄອນເຊີ່ນເຈີ້ນຈີນໄດ້ອັດລົງແລ້ວ. ໃນໄລຍະຈັດງານ, ຈຳນວນຜູ້ເຂົ້າຮ່ວມມີ1ແສນ1ໝື່ນກວ່າຄົນ, ແຂວງແລະນະຄອນຕ່າງໆໄດ້ຕົກລົງສັນຍາເຈດຕະນາຮ່ວມືໂຄງການນຳເຂົ້າປັນຍາຊົນ1500ກວ່າສະບັບ.
ງານຄັ້ງນີ້ໄດ້ສ້າງຄວາມສົນໃຈໃຫ້ແກ່ອົງການວິຊາການແລະອົງການປະເພດຕ່າງໆລວມ3000ກວ່າແຫ່ງຈາກ70ກວ່າປະເທດແລະເຂດແຄວ້ນ, ຜູ້ແທນຕ່າງປະເທດ2000ກວ່າຄົນ,ຜູ້ແທນວິຊາການ6000ກວ່າຄົນຂອງລະບົບຊັບພະຍາກອນມະນຸດແລະຊ່ຽວຊານຕ່າງປະເທດຂອງແຂວງຕ່າງໆໃນທົ່ວປະເທດຈີນ. ໃນຂົງເຂດແລກປ່ຽນປັນຍາຊົນ, ເຊັ່ນ, ນຳເຂົ້າຊ່ຽວຊານຕ່າງປະເທດແລະສົ່ງບຸກຄະລາກອນໄປອົບຮົມຢູ່ຕ່າງປະເທດເປັນຕົ້ນ, ໄດ້ຊັນສັນຍາແລະຕົກລົງຈະຮ່ວມມືກັນ1279ສະບັບ, ໃນນັ້ນນຳເຂົ້າຊ່ຽວຊານຕ່າງປະເທດ775ສະບັບ, ສົ່ງບຸກຄະລາກອນໄປອົບຮົມ360ສະບັບ, ປະເພດອື່ນ144ສະບັບ.
ບໍລິສັດຂະໜາດໃຫຍ່ຂອງຈີນແລະຕ່າງປະເທດເຊິ່ງລວມທັງເລັນໂນໂວແລະເອໂມຊັນເປັນຕົ້ນ, ລວມ410ກວ່າແຫ່ງຮັບສະໝັກບຸກຄະລາກອນໃນງານຄັ້ງນີ້,ເຊິ່ງສ້າງຕຳແໜ່ງງານໃນລະດັບສູງ10.166ຕຳແໜ່ງ. ອີງຕາມສະຖິຕິທີ່ບໍ່ທັນຄົບຖ້ວນ, ມີ6000ກວ່າຕຳແໜ່ງໄດ້ຕົກລົງກັນກັບທີ່.
