ໃນວັນທີ7ພະຈິກນີ້, ກຸ່ມສະແດງເຄື່ອງນຸ່ງຫົ່ມຊົນເຜົ່າຈີນ "ປະເທດຈີນທີ່ຫລາກຫລາຍສີສັນ"ໄດ້ເລີ່ມທໍາການສະແດງເຄື່ອງນຸ່ງຊົນເຜົ່າຢູ່ອາເມລິກາ.
ການສະແດງຈະຈັດຂຶ້ນຢູ່ລັດເວີຈິນເນຍ, ນະຄອນຫລວງວໍຊິງຕັນ, ນິວຢອກເປັນຕົ້ນ, ນີ້ບໍ່ພຽງແຕ່ເປັນການສະແດງເຄື່ອງນຸ່ງຫົ່ມໃນຍາມບຸນຂອງຊົນເຜົ່າໜ້ອຍຂອງຈີນເທົ່ານັ້ນ, ຍັງຈະເປັນການແນະນໍາບຸນປະເພນີທີ່ເປັນເອກະລັກວັດທະນະທໍາຂອງ56ຊົນເຜົ່າຂອງຈີນທີ່ສະແດງອອກດ້ວຍຮູບຖ່າຍເຖິງ200ແຜ່ນ.
ກຸ່ມສະແດງນີ້, ມີພະນັກງານແລະນັກສະແດງທັງໝົດ48ຄົນຈາກ15ຊົນເຜົ່າ, ໃນນັ້ນ, ມີທັງນັກສະແດງອາຊີບ, ແລະນັກສະແດງສະໝັກຫລິ້ນ, ເຂົາເຈົ້າຈະໃຫ້ມີສ່ວນຮ່ວມກັບຜູ້ຊົມອາເມລິກາ, ສໍາຜັດກັບບັນຍາກາດໃນງານບຸນສໍາຄັນທາງປະເພນີຂອງຊົນເຜົ່າໜ້ອຍຈີນ.
ໃນໄລຍະກິດຈະກໍາສະແດງເທື່ອນີ້, ສະມາຊິກຂອງກຸ່ມດັ່ງກ່າວຍັງຈະເຂົ້າຮ່ວມໃນການດໍາລົງຊີວິດຢູ່ກັບຄອບຄົວຄົນອາເມລິກາທີ່ມີວັດທະນະທໍາແຕກຕ່າງກັນເປັນ5ວັນ.
ກິດຈະກໍາສະແດງເທື່ອນີ້ຈະອັດລົງໃນວັນທີ20ພະຈິກນີ້.ກຸ່ມສະແດງເຄື່ອງນຸ່ງຫົ່ມຂອງຊົນເຜົ່າຕ່າງໆໃນຈີນ "ປະເທດຈີນທີ່ຫລາກຫລາຍສີສັນ"ເຄີຍໄປສະແດງຢູ່10ກວ່າປະເທດແລະເຂດແຄວ້ນເຊັ່ນ, ຝະຣັ່ງ,ຍີ່ປຸ່ນ, ການາດາແລະອື່ນໆ.
