ຕາມຂ່າວສານຊິນຮວາ, ພາຍໃຕ້ການຄຸ້ມຄອງດູແລຂອງພະມະຫາອາຈານ "ຕາເຕີ", ອຸລັງຄະທາດທີ່ບັນຈຸແຂ້ວຂອງພະພຸດທະເຈົ້າຈາກວັດຫລິງກວ່າງພູຊີ່ຊ່ານນະຄອນຫລວງປັກກິ່ງຂອງຈີນໄດ້ນໍາໄປຮອດສະໜາມບິນເນປີດໍຂອງມຽນມາໃນຕອນບ່າຍວັນທີ6ຕຸລານີ້, ເພື່ອເລີ່ມໃຫ້ຊາວພຸດທະສາສະນິກະຊົນໃນມຽນມາໄດ້ທໍາການສັກກາລະບູຊາແລະຈະປະດິດສະຖານຢູ່ມຽນມາເປັນເວລາ48ວັນ.
ທ່ານອູເທັນເຊັນ, ປະທານາທິບໍດີມຽນມາໄດ້ນໍາພາເຈົ້າໜ້າທີ່ລັດຖະບານແລະປະຊາຊົນປະມານ6000ຄົນລໍຖ້າຢູ່ວັດທາດອັບປາຕະສັນຕິເພື່ອຕ້ອນຮັບ.
ໂດຍຕອບສະໜອງຕາມຄວາມຮຽກຮ້ອງຂອງມຽນມາ, ທາດທີ່ບັນຈຸແຂ້ວຂອງພະພຸດທະເຈົ້າຈາກຈີນຈະນໍາໄປປະດິດສະຖານຢູ່3ນະຄອນໃນມຽນມາ,ເພື່ອໃຫ້ຊາວພຸດທະສາສະນິກະຊົນໃຫ້ສັກກາລະບູຊາເຊັ່ນ, ນະຄອນຫລວງເນປີດໍ, ນະຄອນຢ່າງກຸ່ງແລະນະຄອນມັນດາເລແຕ່ວັນທີ6ພະຈິກນີ້ຫາວັນທີ24ທັນວາໜ້ານີ້.
