ສົບຂອງລູກເຮືອຈີນ11ຄົນທີ່ເສຍຊີວິດຢູ່ຕາມລຳແມ່ນ້ຳຂອງນັ້ນຖືກເຜົາຢູ່ໄທ
(GMT+08:00) 2011-11-07 19:04:36 cri
ວັນທີ7ພະຈິກນີ້,ພາກສ່ວນຖະແຫຼງຂ່າວຂອງອົງການປົກຄອງແຂວງຢຸນນານອອກປະກາດແຈ້ງການວ່າ,ໃນລູກເຮືອຈີນ13ຄົນທີ່ຖືກຫຼອນໂຈມຕີແລະເສຍຊີວິດຢູ່ຕາມລຳແມ່ນ້ຳຂອງໃນເດືອນຕຸລາແລ້ວນີ້,ມີ11ສົບໄດ້ຖືກເຜົາຢູ່ຈັງຫວັດຊຽງຣາຍຂອງໄທໃນວັນທີ5ແລະວັນທີ7ພະຈິກນີ້,ສ່ວນຄອບຄົວຂອງຜູ່ເສຍຊີວິດຈະໄດ້ຮັບເງິນຊ່ວຍເຫຼືອຄອບຄົວລະ 2ແສນຢວນ.
ຂ່າວແຈ້ງອີກວ່າ,ກ່ອນການເຜົາສົບສອງເທື່ອລ້ວນແຕ່ໄດ້ຈັດພິທີໄວ້ອາໄລຢ່າງເຄັ່ງຂຶມ, ໂດຍມີຄອບຄົວຂອງລູກເຮືອທີ່ເສຍຊີວິດ,ເຈົ້າໜ້າທີ່ລັດຖະບານຈີນ,ເຈົ້າໜ້າທີ່ແຂວງຢຸນນານ,ຜູ່ແທນສະຖານທູດແລະກົງສູນຈີນປະຈຳໄທ,ພ້ອມດ້ວຍເຈົ້າໜ້າທີ່ຕຳຫຼວດໄທແລະເຈົ້າໜ້າທີ່ອຳນາດການປົກຄອງທ້ອງຖິ່ນຂອງໄທເຂົ້າຮ່ວມໃນພິທີຄັ້ງນີ້.
