ຈີນຈະຍົກສູງຄວາມສາມາດໃນການຮັບປະກັນແລະສະມັດຕະພາບການນຳໃຊ້ຕໍ່ຜະລິດຕະພັນບໍ່ແຮ່
(GMT+08:00) 2011-11-07 19:11:52 cri
ວັນທີ6ພະຈິກນີ້,ກອງປະຊຸມຂະແໜງການບໍ່ແຮ່ສາກົນຈີນປີ2011ໄຂຂຶ້ນຢູ່ເມືອງທຽນສິນຂອງຈີນ.ໃນຈົດໝາຍທີ່ຂຽນໄປຍັງກອງປະຊຸມ,ທ່ານຫຼີເຄີ້ຊຽງ,ຮອງນາຍົກລັດຖະມົນຕີຈີນ ກ່າວວ່າ,ຈີນຈະຍຶດໝັ້ນອີງຕາມສະພາບຄວາມເປັນຈິງພາຍໃນປະເທດ,ອາໄສຄວາມກ້າວໜ້າທາງດ້ານເຕັກນິກແລະການປະດິດສ້າງດ້ານລະບົບແລະກົນໄກ,ເພີ່ມຄວາມສາມາດເຂົ້າໃນວຽກງານສຳຫຼວດບໍ່ແຮ່ແລະການນຳໃຊ້ຊັບພະຍາກອນໂດຍລວມ,ຍົກສູງຄວາມສາມາດດ້ານການຮັບປະກັນແລະສະມັດຕະພາບການນຳໃຊ້ຕໍ່ຜະລິດຕະພັນບໍ່ແຮ່, ເພື່ອຊຸກຍູ້ໃຫ້ເສດຖະກິດເຕີບໂຕຢ່າງໝັ້ນທ່ຽງແລະອ່າວໄວໃນໄລຍະຍາວນານ.ພ້ອມກັນນັ້ນ,ຕັ້ງໜ້າເຂົ້າຮ່ວມການຮ່ວມມືທີ່ຕ່າງຝ່າຍຕ່າງມີຜົນປະໂຫຍດແລະຕ່າງຝ່າຍຕ່າງສະໜອງຄວາມສະດວກກັບຂະແໜງການບໍ່ແຮ່ສາກົນ,ເສີມຂະຫຍາຍບົດບາດໃນທາງທີ່ ສ້າງສັນເພື່ອການພັດທະນາແລະຄວາມຈະເລີນໃນຂະແໜງການບໍ່ແຮ່ໂລກ.
ກອງປະຊຸມຂະແໜງການບໍ່ແຮ່ສາກົນຈີນຈັດຂຶ້ນປີນີ້ເປັນຄັ້ງທີ13ແລ້ວ,ໄດ້ກາຍເປັນກອງປະຊຸມທີ່ມີຂະໜາດໃຫຍ່ທີ່ສຸດຂອງຂະແໜງການບໍ່ແຮ່ຢູ່ເຂດອາຊີ,ກໍ່ແມ່ນໜຶ່ງໃນ4ກອງປະຊຸມໃຫຍ່ດ້ານຂະແໜງການບໍ່ແຮ່ສາກົນ,ແມ່ນເວທີສຳຄັນທີ່ຂະແໜງການບໍ່ແຮ່ຂອງຈີນດຳເນີນການຮ່ວມມືກັບຕ່າງປະເທດ.
