ແພດສ່ວນຕົວຂອງທ່ານໄມເຄິນ ແຈກຊັນ ດາລາຊື່ດັງໃນວົງການດົນຕີອາເມລິກາຖືກຕັດສິນວ່າມີໂທດສັງຫານຊີວິດຄົນໂດຍບໍ່ໄດ້ເຈດຕະນາ
(GMT+08:00) 2011-11-08 16:01:22 cri
ວັນທີ7ພະຈິກນີ້, ຄະນະພິຈາລະນາຄະດີຂອງສານສູງລັອດສແອງເຈີລິສເຫັນວ່າວ່າ, ໂຄນຣັດ ມູເຣ, ແພດສ່ວນຕົວຂອງທ່ານໄມເຄິນ ແຈກຊັນ, ດາລາຊື່ດັງໃນວົງການດົນຕີອາເມລິກາຖືກຕັດສິນວ່າມີໂທດສັງຫານຊີວິດຄົນໂດຍບໍ່ໄດ້ເຈດຕະນາ.
ຫຼັງຈາກຜູ້ພິພາກສາປະກາດຄຳຕັດສິນດັ່ງກ່າວແລ້ວ, ມູເຣຖືກຕຳຫຼວດໃສ່ກະແຈມືແລ້ວສົ່ງໄປກັກຕົວຢູ່ຄຸກເມືອງລັອດສແອງເຈີລິສ. ຜູ້ພິພາກສາຕັດສິນວ່າ, ຍ້ອນວ່າມູເຣມີໂທດໜັກທີ່ສັງຫານຊີວິດຄົນໂດຍບໍ່ໄດ້ເຈດຕະນາ, ຫ້າມບໍ່ໃຫ້ປະກັນຕົວ. ຜູ້ພິພາກສາຕົກລົງຈະປະກາດຄຳຕັດສິນໃນວັນທີ29ພະຈິກນີ້.
ຄະນະພິຈາລະນາຄະດີທີ່ປະກອບດ້ວຍຜູ້ພິພາກສາ12ຄົນເຄີຍຈັດການຟັງຄຳໃຫ້ການຫຼັກຖານຂອງພິຍານເປັນເວລາ6ອາທິດ, ແລະປຶກສາຫາລືກັນເປັນເວລາເກືອບ9ຊົ່ວໂມງ, ໃນທີ່ສຸດໄດ້ສະຫຼຸບວ່າມູເຣມີໂທດໜັກ. ໃນການສືບສວນຄະດີເປັນເວລາ6ອາທິດ, ໄດ້ຮຽກພິຍານ49ຄົນມາໃຫ້ການສອບປາກຄຳ.
ອົງການໄອຍະການເຫັນວ່າ, ມູເຣໄດ້ສັກຢາແຮງເກີນຂະໜາດໃຫ້ທ່ານແຈັກຊັນ, ແລະປະໃຫ້ທ່ານແຈັກຊັນຢູ່ເຮືອນຜູ້ດຽວໂດຍບໍ່ເອົາຫົວຊາຕໍ່ຄວາມປອດໄພຂອງເພິ່ນ. ຫຼັງຈາກສັງເກດເຫັນທ່ານແຈັກຊັນຢຸດຕິຫັນໃຈແລ້ວ, ມູເຣບໍ່ໄດ້ໃຫ້ການຊ່ວຍເຫຼືອເພື່ອກອບກູ້ສຸກເສີນຢ່າງທັນການ, ພ້ອມທັງປິດບັງຄວາມຈິງທີ່ໄດ້ສັກຢາຊະນິດນີ້ໃຫ້ທ່ານແຈັກຊັນຕໍ່ແພດຜູ້ທີ່ທຳການກອບກູ້ສຸກເສີນ, ເຮັດໃຫ້ຜິດເວລາກອບກູ້.
ວັນທີ25ມິຖຸນາປີ2009, ທ່ານແຈັກຊັນໄດ້ເສຍຊີວິດໃນເວລາເຝິກຊ້ອມການສະແດງໃນງານດົນຕີທີ່ລອນດອນຍ້ອນຫົວໃຈຢຸດເຕັ້ນ, ໃນເວລາເສຍຊີວິດແຈັກຊັນມີອາຍຸພຽງແຕ່50ປີເທົ່ານັ້ນ.
