ຕາມຂ່າວສານຈີນ,ວັນທີ7ພະຈິກນີ້, ທ່ານສຸຂຸມພັນ ບໍຣິພັດ, ເຈົ້າຄອງນະຄອນຫລວງບາງກອກກ່າວວ່າ, ລະດັບນໍ້າຖ້ວມຢູ່470ເຂດຂອງບາງກອກມີລະດັບສູງຫລືສູງກວ່າ80ຊັງຕີແມັດ, ຫລາຍກວ່າ8ແສນຄົນໄດ້ຮັບຜົນກະທົບ.
ຍ້ອນຫລາຍເຂດໄດ້ຮັບຜົນກະທົບຈາກນໍ້າຖ້ວມ, ທ່ານສຸຂຸມພັນ ບໍຣິພັດໄດ້ອອກຄໍາສັ່ງຍົກຍ້າຍອີກເທື່ອໃໝ່. ປະຈຸບັນ, ຢູ່ນະຄອນຫລວງບາງກອກມີ12ເຂດຖືກແຈ້ງໃຫ້ຍົກຍ້າຍ, ກວມເກືອບ25%ຂອງ50ເຂດໃນບາງກອກ.
ທ່ານສຸຊຸມພັນ ບໍຣິພັດກ່າວວ່າ, ອົງການບໍລິຫານຕົວເມືອງນະຄອນຫລວງບາງກອກໄດ້ອອກຄໍາສັ່ງເຖິງຫ້ອງການປົກຄອງແລະປະຊາສົງເຄາະຂອງເຂດຕ່າງໆແລະອົງການທີ່ກ່ຽວຂ້ອງ, ໃຫ້ຕິດຕາມສະຖານະການຂອງເຂດຖືກແຈ້ງໃຫ້ຍົກຍ້າຍ, ເພາະວ່າຍັງມີປະຊາຊົນຢ່າງຫລວງຫລາຍຍັງບໍ່ຫັນໄດ້ຍົກຍ້າຍອອກຈາກເຂດນໍ້າຖ້ວມ, ໂດຍສະເພາະແມ່ນຜູ້ສູງອາຍຸ.
ທ່ານນາງຍິງລັກ ຊິນນະວັດ, ນາຍົກລັດຖະມົນຕີໄທກໍາລັງພິຈາລະນາຈະໃນການສ້າງຄູກັນນໍ້າທີ່ເຮັດດ້ວຍເປົ໋າຂີ້ຊາຍທີ່ມີຂະໜາດໃຫຍ່ຢູ່ທິດຕາເວັນຕົກຂອງບາງກອກ, ເພື່ອຄວບຄຸມແລະປ້ອງກັນນໍ້າທີ່ຈະໄຫລເຂົ້າທິດເໜືອຂອງເທສະບານນະຄອນຫລວງບາງກອກ.
