ວັນທີ7ພະຈິກນີ້, ກະຊວງອຸດສາຫະກໍາແລະເຕັກໂນໂລຊີຂໍ້ມູນຂ່າວສານຈີນໄດ້ປະກາດແຜກນານພັດທະນາອຸດສາຫະກໍາເຫລັກກ້າວ່າ: ໃນ5ປີຕໍ່ໜ້າຈີນມີແຜນຈະຜະລິດແຮ່ເຫລັກຢູ່ຕ່າງປະເທດໃຫ້ເພີ່ມຂຶ້ນອີກ ຫລາຍກວ່າ100ລ້ານໂຕນ.
ໃນແຜນການລະບຸວ່າ, ຈະຕັ້ງໜ້າປັບປຸງຈັດສັນຊັບພະຍາກອນບໍ່ເຫລັກທົ່ວໂລກ, ສົ່ງເສີມວິສາຫະກິດເຫລັກກ້າຂອງຈີນສ້າງກົນໄກໃນການພັດທະນາຊັບພະຍາກອນຮ່ວມກັບຕ່າງປະເທດດ້ວຍການແບ່ງປັນຜົນປະໂຫຍດກັບປະເທດທີ່ໄປລົງທຶນ, ແລະຈະໄປລົງທຶນຢູ່ພາກພື້ນໃຫ້ຫລາຍກວ່າເກົ່າ. ສ້າງແຫລ່ງອໍານວຍເຊື້ອໄຟແລະລະບົບຮັບປະກັນການຂົນສົ່ງທີ່ໝັ້ນຄົງແລະໜ້າເຊື່ອຖືຢູ່ປະເທດແລະພາກພື້ນທີ່ມີທ່າແຮງທາງດ້ານຊັບພະຍາກອນແລະປະເທດທີ່ຢູ່ອ້ອມຂ້າງ.
ຕາມການຄາດຄະເນຂອງແຜນການ, ຄວາມຕ້ອງການຂອງການພັດທະນາເສດຖະກິດຕໍ່ຂະແໜງເຫລັກກ້າເພີ່ມຂຶ້ນຢ່າງຕໍ່ເນື່ອງ, ຈະບັນລຸເຖິງ750ລ້ານໂຕນໃນປີ2015.
