ຕາມຂ່າວສານຊິນຮວາ, "ສູນແລກປ່ຽນມິດຕະພາບຈີນກໍາປູເຈຍ"ແຫ່ງທໍາອິດຂອງຈີນໄດ້ສ້າງຕັ້ງຂຶ້ນໃນວັນທີ7ພະຈິກນີ້ຢູ່ຕາແສງຊາງຢາງເຂດຟັງຊ່ານນະຄອນຫລວງປັກກິ່ງ.ທ່ານນາງກູ້ຊ້ຽວລຽນ, ປະທານສະມາຄົມມິດຕະພາບຈີນກໍາປູເຈຍ, ສົມເດັດຣາຊະກຸມາລີໂນໂລດົມ ບຸບຜາເດວີ, ທັງເປັນປະທານສະມາຄົມມິດຕະພາບຈີນກໍາປູເຈຍ, ທ່ານລີນຊ່ຽວລີນ, ປະທານສະມາຄົມມິດຕະພາບຕໍ່ຕ່າງປະເທດຂອງປະຊາຊົນຈີນໄດ້ເຂົ້າຮ່ວມພິທີເປີດສູນ.
ວັນທີ7ພະຈິກ1971, ລັດຖະບານຈີນໄດ້ປ່ຽນຊື່ຈາກສະທະກອນຊາງຢາງເຂດຟັງຊ່ານເປັນ "ສະທະກອນມິດຕະພາບຈີນກໍາປູເຈຍຊາງຢາງເຂດຟັງຊ່ານ". ເພື່ອລະລຶກວັນສ້າງຕັ້ງ"ສະທະກອນມິດຕະພາບຈີນກໍາປູເຈຍຈາງຢາງເຂດຟັງຊ່ານ" ຄົບຮອບ40ປີ, ຊຸກຍູ້ມິດຕະພາບລະຫວ່າງປະຊາຊົນສອງປະເທດຕະຫລອດໄປ, ຜ່ານການອະນຸຍາດຂອງສະມາຄົມມິດຕະພາບຕໍ່ຕ່າງປະເທດຂອງປະຊາຊົນຈີນ, ຕາແສງຊາງຢາງເຂດຟັງຊ່ານນະຄອນຫລວງປັກກິ່ງໄດ້ຕົກລົງສ້າງຕັ້ງເປັນ "ສູນແລກປ່ຽນມິດຕະພາບຈີນກໍາປູເຈຍ"
