ຕາມຂ່າວໜັງສືພິມເສດຖະກິດລາຍວັນ: ກອງປະຊຸມກວດຜົນການທົດລອງປູກເຂົ້າພັນປະສົມທີ່ຜົນຜະລິດສູງຂອງຈີນໄດ້ຈັດຂຶ້ນຢູ່ແຂວງຊູລາເວສີໃຕ້ຂອງອິນໂດເນເຊຍ, ຜົນຈາກການທົດລອງຄັ້ງນີ້ບັນລຸຫລາຍກວ່າ12ໂຕນຕໍ່ເຮັກຕາ, ສູງກວ່າຜົນການຜະລິດຂອງອິນໂດເນເຊຍທີ່ບັນລຸພຽງແຕ່5ໂຕນກວ່າຕໍ່ເຮັກຕາ. ຜ່ານການເຂົ້າຊົມແລະການຊິມ, ເຈົ້າໜ້າທີ່ກະສິກໍາ, ວິສາຫະກິດກະສິກໍາແລະຜູ້ຕາງໜ້າຊາວກະສິກອນຂອງແຂວງຊູລາເວສີໃຕ້ກໍຫວັງວ່າເຂົ້າພັນປະສົມນີ້ສາມາດປູກຢູ່ແຂວງດັ່ງກ່າວໃຫ້ຫລາຍກວ່າເກົ່າ.
ກິດຈະກໍາເທື່ອນີ້ແມ່ນວຽກງານນຶ່ງຂອງ "ໂຄງການຮ່ວມມືເຕັກນິກເຂົ້າພັນປະສົມລະຫວ່າງຈີນກັບອິນໂດເນເຊຍ", ແມ່ນໜ່ວຍງານໂຄງການ, ພາກສ່ວນທີ່ກ່ຽວຂ້ອງຂອງລັດຖະບານອິນໂດເນເຊຍແລະພາກສ່ວນປູກຝັງຮ່ວມມືກັນຈັດຕັ້ງປະຕິບັດ, ຈຸດປະສົງແມ່ນຜ່ານຈາກການທົດລອງປູກເຂົ້າພັນປະສົມທີ່ໃຫ້ຜົນຜະລິດສູງໃນຄັ້ງນີ້, ຈະເຮັດໃຫ້ຊາວກະສິກອນຮັບຮູ້ແນວພັນເຂົ້າພັນປະສົມທີ່ໃຫ້ຜົນຜະລິດສູງແລະຄຸນນະພາບດີ, ພ້ອມດ້ວຍເຕັກນິກໃນການປູກເຂົ້າພັນປະສົມທີ່ໃຫ້ຜົນຜະລິດສູງ, ຊຸກຍູ້ການແຜ່ຂະຫຍາຍການປູກເຂົ້າພັນປະສົມຢູ່ອິນໂດເນເຊຍໃຫ້ຫລາຍຂຶ້ນ.
