ຈີນປະສົບຜົນສຳເລັດໃນການສົ່ງດາວທຽມ2ດວງດ້ວຍຈະຫຼວດສົ່ງຍານໜ່ວຍດຽວກັນ
(GMT+08:00) 2011-11-09 16:08:10 cri
ເວລາ11ໂມງ21ນາທີຂອງວັນທີ9ພະຈິກນີ້, ຢູ່ສູນສົ່ງດາວທຽມໄທ້ຢວນ, ຈີນໃຊ້ຈະຫຼວດສົ່ງຍານ"ສາງເຈີ່ນເລກ4 ຂ.", ໄດ້ຍິງສົ່ງດາວທຽມຄວບຄຸມທາງໄກເລກ12, ແລະດາວທຽມ"ທ່ຽນຊຸນ"ເລກ1ດ້ວຍຈະຫຼວດສົ່ງຍານລູກດຽວກັນຂຶ້ນສູ່ອາວະກາດຢ່າງມີຜົນສຳເລັດ.
ວັນທີ9ພະຈິກນີ້, ຊ່ຽວຊານທາງດ້ານການບິນອາວະກາດຂອງສູນສົ່ງດາວທຽມໄທ້ຢວນຈີນກ່າວຕໍ່ສື່ມວນຊົນວ່າ, ປະຈຸບັນ, ດາວທຽມຄວບຄຸມທາງໄກທີ່ພວມເຄື່ອນທີ່ຕາມວົງໂຄຈອນ, ລ້ວນແຕ່ເປັນດາວທຽມເຄື່ອນທີ່ຕາມວົງໂຄຈອນຂອງດວງຕາເວັນ, ຄວາມສູງຂອງວົງໂຄຈອນແມ່ນຢູ່ລະຫວ່າງ400ຮອດ500ກິໂລແມັດ. ດາວທຽມເຫຼົ່ານີ້ປະສານສົມທົບກັນ, ພວມພັດທະນາເປັນເຄືອຂ່າຍການບໍລິການທີ່ຄົບຖ້ວນ, ໄດ້ເສີມຂະຫຍາຍບົດບາດອັນສຳຄັນໃນການຊຸກຍູ້ການຄົ້ນຄວ້າວິທະຍາສາດເຕັກນິກການບິນອາວະກາດ, ຍົກສູງຄຸນນະພາບຊີວິດການເປັນຢູ່ຂອງປະຊາຊົນ, ແລະອື່ນໆ. ໂດຍສະເພາະໃນການກູ້ໄພທຳມະຊາດທີ່ໜັກໜ່ວງ, ເຊັ່ນເຫດແຜ່ນດິນໄຫວຢູ່ເວິ້ນຊ່ວນເປັນຕົ້ນ, ພ້ອມທັງສະໜອງຂໍ້ມູນຂ່າວສານຈຳນວນຫຼວງຫຼາຍໃຫ້ແກ່ການບັນຊາການທາງໜ້າດິນ, ການກູ້ໄພ, ກວດສອບສະພາບໄພພິບັດ, ການສ້າງສາຄືນໃໝ່, ດັ່ງນີ້ເປັນຕົ້ນ.
