ຈີນສົ່ງຍານສຳຫຼວດດາວອັງຄານ"ອີງໂຮວເລກ1"ຂຶ້ນສູ່ອະວະກາດດ້ວຍຈະຫຼວດສົ່ງຍານຂອງຣັດເຊຍຢ່າງສຳເລັດຜົນ
(GMT+08:00) 2011-11-09 15:56:12 cri
ເວລາ4ໂມງ16ນາທີຕອນຂ້ອນແຈ້ງຂອງວັນທີ9ພະຈິກປີ2011ນີ້ຕາມເວລາປັກກິ່ງ,ຍານສຳຫຼວດດາວອັງຄານ"ອີງໂຮວເລກ1"ຂອງຈີນທີ່ບັນຈຸໄວ້ໃນຍານສຳຫຼວດ"ໂຟໂບສ ກຼານທ໌"ຂອງຣັດເຊຍໄດ້ ສົ່ງຂຶ້ນສູ່ອະວະກາດດ້ວຍຈະຫຼວດສົ່ງຍານ"ເຊນິດ"ຂອງຣັດເຊຍຢູ່ສູນອະວະກາດບາຍໂຄນູວຂອງກາຊັກສະຖານ.ເວລາຕໍ່ມາ,ຍານສຳຫຼວດກັບໄດ້ແຍກອອກຈາກຈະຫຼວດສົ່ງຍານແລ້ວເຂົ້າສູ່ວົງໂຄຈອນທີ່ໄດ້ກຳນົດໄວ້ລ່ວງໜ້າ.
ແຜນການສຳຫຼວດດາວອັງຄານເທື່ອນີ້ເປັນໂຄງການຮ່ວມມືລະຫວ່າງລັດຖະບານຈີນກັບຣັດເຊຍ.ເປົ້າໝາຍຕົ້ນຕໍໃນການສຳຫຼວດວິທະຍາສາດຂອງຍານສຳຫຼວດ"ອີງໂຮວເລກ1"ແມ່ນສະໜາມແມ່ເຫຼັກອະວະກາດຂອງດາວອັງຄານ,ຊັ້ນອີອົງນີຊາຊົງແລະກົດເກນການປ່ຽນແປງດ້ານການແຈກຢາຍຂອງອະນຸພາກຫຼືparticle,ພ້ອມດ້ວຍຄວາມໄວໃນການແຜ່ຜາຍຂອງອີອົງອາກາດຢູ່ດາວອັງຄານ.ນອກນັ້ນ,ຍານ"ອີງໂຮວເລກ1"ຍັງຈະສຳຫຼວດພູມສັນຖານ,ພາຍຸຂີ້ຊາຍຂອງດາວອັງຄານແລະສະໜາມແຮງດຶງດູດຈາກໜ່ວຍໂລກທີ່ໃກ້ກັບເສັ້ນສູນສູດຂອງດາວອັງຄານ.
