ທ່ານຫູຈິນທ່າວເດີນທາງຈາກປັກກິ່ງໄປເຂົ້າຮ່ວມກອງປະຊຸມສຸດຍອດAPECຢູ່ອາເມລິກາ
(GMT+08:00) 2011-11-10 17:14:05 cri
ໂດຍອີງຕາມຄຳເຊີນຂອງທ່ານບາຣັກ ໂອບາມາ, ປະທານາທິບໍດີອາເມລິກາ, ວັນທີ10ພະຈິກນີ້, ທ່ານຫູຈິນທ່າວ, ປະທານປະເທດຈີນໄດ້ເດີນທາງຈາກນະຄອນຫຼວງປັກກິ່ງໄປຮາວາຍຂອງອາມເລິກາ, ເພື່ອເຂົ້າຮ່ວມກອງປະຊຸມບໍ່ເປັນທາງການຂອງຜູ້ນຳອົງການຮ່ວມມືເສດຖະກິດອາຊີປາຊິຟິກຫຼືAPECຄັ້ງທີ19ທີ່ຈະຈັດຂຶ້ນໃນເວລາອັນໃກ້ໆນີ້.
ກອງປະຊຸມບໍ່ເປັນທາງການຂອງຜູ້ນຳAPECຄັ້ງທີ19ຈະຈັດຂຶ້ນແຕ່ວັນທີ12ຫາ13ພະຈິກນີ້ຢູ່ເມືອງໂຮໂນລູລູລັດຮາວາຍຂອງອາເມລິກາ. ກອງປະຊຸມມີຫົວຂໍ້ຫຼັກວ່າ"ເສດຖະກິດພາກພື້ນທີ່ພົວພັນກັນຢ່າງໃກ້ຊິດ", ຈະສຸມໃສ່ຫາລືຫົວຂໍ້ຕ່າງໆ, ເຊັ່ນ, ການເຕີບໂຕດ້ານເສດຖະກິດຢູ່ພາກພື້ນອາຊີປາຊີຟິກ, ເສດຖະກິດພາກພື້ນເຊື່ອມໂຍງເຂົ້າກັນ, ການເຕີບໂຕແບບບໍ່ມີມົນລະພິດ, ຄວາມປອດໄພດ້ານພະລັງງານ, ການຮ່ວມມືດ້ານລະບຽບການ, ດັ່ງນີ້ເປັນຕົ້ນ.
