ອາຊຽນຈະລົງທຶນ60ຕື້ໂດລາເພື່ອໃຊ້ໃນການພັດທະນາ15ໂຄງການ
(GMT+08:00) 2011-11-10 16:34:57 cri
ຕາມຂ່າວສານຈີນ: ສື່ມວນຊົນຂອງອິນໂດເນເຊຍລາຍງານໃນວັນທີ10ພະຈິກນີ້ວ່າ, ອາຊຽນຈະລົງທຶນ60ຕື້ໂດລາເພື່ອໃຊ້ໃນການພັດທະນາ15ໂຄງການຢູ່ພາກພື້ນອາຊຽນ,ເຊັ່ນ: ໂຄງການກໍ່ສ້າງທາງຫຼວງ,ໂຄງການຂ່າວສານທາງດ້ານເຕັກນິກວິທະຍາສາດ,ໂຄງການຊັບພະຍາກອນດ້ານພະລັງງານເປັນຕົ້ນ,ໃນນັ້ນ,ລວມທັງໂຄງການກໍ່ສ້າງທາງຫຼວງແລະຂົວທີ່ເຊື່ອມຕໍ່ລະຫວ່າງຈີນກັບຊູຣາບາຢາຂອງອິນໂດເນເຊຍ.
ທ່ານນູຣາ ສວາຈາຢາ, ເອກອັກຄະລັດຖະທູດອິນໂດເນເຊຍປະຈຳອາຊຽນກ່າວໃນວັນທີ8ພະຈິກນີ້ວ່າ, ໂຄງການດັ່ງກ່າວມີຈຸດປະສົງເພື່ອຫຼຸດຜ່ອນຄວາມແຕກຕ່າງກັນແລະຄວາມຫຼຸດໂຕນກັນທາງດ້ານການພັດທະນາລະຫວ່າງບັນດາປະເທດອາຊຽນ.
ໃນນັ້ນ,ຈຳນວນ15ໂຄງການໃຫຍ່ນັ້ນມີ3ໂຄງການຈະເລີ່ມປະຕິບັດໃນປີ2012,ຄື: ໂຄງການກໍ່ສ້າງທາງຫຼວງ,ທາງລົດໄຟແລະໂຄງການກໍ່ສ້າງການຂົນສົ່ງທາງທະເລ. ທ່ານນູຣາ ສວາຈາຢາກ່າວວ່າ,ສາຍທາງລົດໄຟຈະເຊື່ອມຕໍ່ກັບອິນໂດເນເຊຍໂດຍຜ່ານຈີນ,ສິງກະໂປ,ມະເລເຊຍແລະປະເທດອື່ນໆ. ໃນທາງດ້ານການກໍ່ສ້າງການຂົນສົ່ງທາງທະເລ,ຈະເປີດເສັ້ນທາງເດີນເຮືອຫາຟີລິບປິນ,ພາກຕາເວັນອອກ,ໝູ່ເກາະຣີອູຂອງອິນໂດເນເຊຍແລະອື່ນໆ.
