ກອງປະຊຸມສະໄໝສາມັນຂອງຄະນະລັດຖະບານຈີນໄດ້ຜ່ານແຜນການຄວບຄຸມການລະບາຍອາຍພິດເຮືອນແກ້ວໃນແຜນການ5ປີຄັ້ງທີ12ຂອງຈີນ
(GMT+08:00) 2011-11-10 14:35:14 cri
ວັນທີ9ພະຈິກນີ້, ທ່ານເວີ່ນເຈຍປາວ ນາຍົກລັດຖະມົນຕີຈີນໄດ້ເປັນປະທານໃນກອງປະຊຸມສະໄໝສາມັນຂອງຄະນະລັດຖະບານຈີນ, ກອງປະຊຸມໄດ້ຫາລືແລະຜ່ານ"ແຜນການດຳເນີນງານກ່ຽວກັບການຄວບຄຸມການລະບາຍອາຍພິດເຮືອນແກ້ວໃນແຜນການພັດທະນາເສດຖະກິດສັງຄົມ5ປີຄັ້ງທີ12ຂອງຈີນ", ແຜນການໄດ້ກຳນົດຕົວເລກຫຼຸດຜ່ອນການລະບາຍກາກບອນດິອັອກຊິດຂອງທ້ອງຖິ່ນຕ່າງໆຢ່າງຈະແຈ້ງ.
ກອງປະຊຸມຮຽກຮ້ອງໃຫ້ທ້ອງຖິ່ນຕ່າງໆແລະພາກສ່ວນຕ່າງໆຕ້ອງອີງຕາມແຜນການ5ປີຄັ້ງທີ12ຂອງຈີນສະເໜີອອກມາວ່າ, ໃຫ້ບັນລຸເປົ້າໝາຍຫຼຸດການລະບາຍກາກບອນດິອັອກຊິດຂອງປີ2015ໃຫ້ໜ້ອຍລົງ17%ເມື່ອທຽບກັບການລະບາຍໃນປີ2010, ຖືເອົາການຕັ້ງໜ້າຮັບມືກັບການປ່ຽນແປງຂອງດິນຟ້າອາກາດເປັນຍຸດທະສາດສຳຄັນແຫ່ງການພັດທະນາເສດຖະກິດສັງຄົມ, ຖືເປັນໂອກາດສຳຄັນໃນການເລັ່ງລັດການປ່ຽນແປງຮູບແບບການພັດທະນາເສດຖະກິດ, ປັບປຸງໂຄງປະກອບເສດຖະກິດແລະຊຸກຍູ້ການປະຕິຮູບອຸດສາຫະກຳໃໝ່, ເພື່ອປະຕິບັດໜ້າທີ່ທຸກຢ່າງໃຫ້ສຳເລັດຜົນ.
