UNESCOຢຸດຕິການປະຕິບັດໂຄງການຈຳນວນໜຶ່ງເປັນການຊົ່ວຄາວຍ້ອນອາເມລິກາແລະປະເທດສະມາຊິກອື່ນໆປະຕິເສດບໍ່ຈ່າຍຄ່າສະຕິສະມາຊິກ
(GMT+08:00) 2011-11-11 15:42:50 cri
ວັນທີ10ພະຈິກນີ້, ທ່ານນາງອີຣີນາ ໂບໂກວາ, ຜູ້ອຳນວຍການໃຫຍ່ຂອງອົງການການສຶກສາ,ວິທະຍາສາດແລະວັດທະນະທຳຂອງສະຫະປະຊາຊາດຫຼືUNESCOໄດ້ປະກາດໃນພິທີອັດກອງປະຊຸມໃຫຍ່ຂອງອົງການUNESCOຄັ້ງທີ36ວ່າ,ຍ້ອນອາເມລິກາແລະປະເທດສະມາຊິກອື່ນໆປະຕິເສດບໍ່ຈ່າຍຄ່າສະຕິສະມາຊິກ,ອົງການUNESCOຈຳເປັນຕ້ອງຢຸດຕິການປະຕິບັດໂຄງການຈຳນວນໜຶ່ງເປັນການຊົ່ວຄາວກ່ອນທ້າຍປີ2011.
ນາງອີຣີນາ ໂບໂກວາກ່າວວ່າ, ໂຄງການທີ່ຢຸດຕິເປັນການຊົ່ວຄາວຕົ້ນຕໍແມ່ນໂຮມສູນຢູ່ໃນຂົງເຂດຖະແຫຼງຂ່າວ,ການພິມຈຳໜ່າຍສິ່ງພິມແລະຂົງເຂດອື່ນໆ, UNESCOຍັງຈະຫຼຸດຄ່າໃຊ້ຈ່າຍໃນເວລາໄປເຮັດວຽກຢູ່ຕ່າງຖິ່ນຂອງພະນັກງານໃຫ້ໜ້ອຍລົງຢ່າງຫຼວງຫຼາຍເພື່ອປະຢັດຄ່າໃຊ້ຈ່າຍ. ຕາມການຄາດຄະເນ, ໂຄງການທີ່ຖືກຢຸດຕິການປະຕິບັດເປັນການຊົ່ວຄາວແລະຫຼຸດຄ່າໃຊ້ຈ່າຍໄລ່ລວມແລ້ວສາມາດປະຢັດເງິນປະມານ 35ລ້ານໂດລາໃຫ້ອົງການUNESCO.
