ປະທານຄະນະມົນຕີສະຫະພາບເອີລົບຄັດຄ້ານອີຕາລີຈັດການເລືອກຕັ້ງທົ່ວໄປກ່ອນເວລາກຳນົດ
(GMT+08:00) 2011-11-12 16:12:24 cri
ວັນທີ11ພະຈິກນີ້, ທ່ານເຮີມານ ວານ ໂຣມພຸຍ, ປະທານຄະນະມົນຕີສະຫະພາບເອີລົບກ່າວຢູ່ໂຣມວ່າ, ອີຕາລີບໍ່ຄວນຈັດການເລືອກຕັ້ງທົ່ວໄປກ່ອນເວລາກຳນົດ,ປະຈຸບັນ, ວຽກງານທີ່ສຳຄັນແມ່ນປ້ອງກັນບໍ່ໃຫ້ຕະຫຼາດເສຍຄວາມໝັ້ນໃຈຕໍ່ອີຕາລີທີ່ຮັບປາກທີ່ດຳເນີນການປະຕິຮູບ.
ທ່ານກ່າວວ່າ,ອີຕາລີປະຕິບັດມາດຕະການປະຕິຮູບທາງເສດຖະກິດມີຄວາມສຳຄັນຫຼາຍທີ່ສຸດ,ເພື່ອເລື່ອງນີ້, ອີຕາລີບໍ່ຄວນຈັດການເລືອກຕັ້ງທົ່ວໄປກ່ອນເວລາກຳນົດ. ອີຕາລີມີຄວາມສາມາດບົ່ມຊ້ອນທາງເສດຖະກິດທີ່ດີ,ແຕ່ຕ້ອງທຳຄວາມພະຍາຍາມຢ່າງຫຼວງຫຼາຍຈຶ່ງຈະສາມາດຂຸດຄົ້ນຄວາມສາມາດນີ້. ທ່ານເຮີມານ ວານ ໂຣມພຸຍຍັງກ່າວວ່າ, ໂດຍປະເຊີນໜ້າກັບວິກິດການ,ປະເທດສະມາຊິກຕ່າງໆຂອງສະຫະພາບເອີລົບຕ້ອງຜ່ານ "ການເຄື່ອນໄຫວທີ່ສືບເນື່ອງແລະເອກະພາບກັນ"ມາຟື້ນຟູຊື່ສຽງ. ທີ່ຈິງແລ້ວ,ການສະກັດກັ້ນວິກິດການບໍ່ໃຫ້ແຜ່ລາມໄດ້ກາຍເປັນເປົ້າໝາຍຫຼ້າສຸດຂອງຜູ້ນຳສະຫະພາບເອີລົບ.
