IMFກ່າວວ່າ ອົງກອນເສດຖະກິດທີ່ພັດທະນາແລ້ວອາດຈະຕົກຢູ່ໃນສະພາບຊຸດໂຊມລົງອີກ
(GMT+08:00) 2011-11-12 16:28:53 cri
ວັນທີ11ພະຈິກນີ້, ອົງການກອງທຶນເງິນຕາສາກົນຫຼືIMFໄດ້ກ່າວໃນບົດລາຍງານສະບັບໜຶ່ງວ່າ, ຖ້າຜູ້ວາງນະໂຍບາຍບໍ່ສາມາດໃຊ້ການກະທຳຢ່າງວ່ອງໄວ,ສ້າງຄວາມໝັ້ນໃຈໃນດ້ານຕະຫຼາດແລະຊຸກຍູ້ເສດຖະກິດໃຫ້ເຕີບໂຕ,ອົງກອນເສດຖະກິດທີ່ພັດທະນາແລ້ວອາດຈະຕົກຢູ່ໃນສະພາບຊຸດໂຊມລົງອີກ.
ມື້ດຽວກັນ, ໃນບົດລາຍງານທີ່ຍື່ນໃຫ້ກອງປະຊຸມສຸດຍອດການກຸ່ມ20ປະເທດຫຼືG20,IMFກ່າວວ່າ,ຍ້ອນວ່າການເຕີບໂຕດ້ານເສດຖະກິດຂອງອົງກອນເສດຖະກິດທີ່ພັດທະນາແລ້ວຫຼຸດລົງຢ່າງຫຼວງຫຼາຍແລະຄວາມກົດດັນດ້ານການເງິນເພີ່ມຂຶ້ນ, ປະຈຸບັນ,ສິ່ງທ້າທາຍທີ່ປະເຊີນໃນສະພາບແວດລ້ອມເສດຖະກິດສາກົນໄດ້ເພີ່ມຂຶ້ນຢ່າງຈະແຈ້ງ. ນະໂຍບາຍອຳມະພາດແລະຂາດຄວາມສືບເນື່ອງເຮັດໃຫ້ຄວາມບໍ່ແນ່ໃຈເພີ່ມຂຶ້ນ,ຄວາມໝັ້ນໃຈເສຍຫາຍ,ແລະເຮັດໃຫ້ຕະຫຼາດການເງິນເຄັ່ງຕຶງຂຶ້ນຢ່າງໜັກໜ່ວງ.
