ທ່ານປະທານຫູຈິນທາວພົບປະຜູ້ວ່າການເຂດບໍລິຫານພິເສດຮົງກົງຈີນ
(GMT+08:00) 2011-11-12 17:10:55 cri
ຕອນເຊົ້າວັນທີ 11 ພະຈິກນີ້,ເວລາທ້ອງຖິ່ນ,ຢູ່ຮາວາຍແຫ່ງອາເມລິກາ,ທ່ານຫູຈິນທາວ ປະທານປະເທດຈີນໄດ້ພົບປະທ່ານເຈີ່ງອິນສວນ ຜູ້ວ່າການເຂດບໍລິຫານພິເສດຮົງກົງຈີນທີ່ໄປເຂົ້າຮ່ວມກອງປະຊຸມບໍ່ເປັນທາງຜູ້ນຳອົງການເອເປັກຄັ້ງທີ 19.
ທ່ານເຈີ່ງອິນສວນໄດ້ລາຍງານສະພາບການຂອງຮົງກົງໃນໄລຍະມໍ່ໆນີ້ແລະວຽກງານຂອງອຳນາດການປົກຄອງເຂດບໍລິຫານພິເສດຮົງກົງໃນດ້ານຕ່າງໆ ເປັນຕົ້ນແມ່ນການຮັບມືກັບການກະທົບຂອງວິກິດການການເງິນສາກົນ ຊຸກຊູ້ການພັດທະນາເສດຖະກິດຮົງກົງ ປົວແປງຊີວິດການເປັນຢູ່ຂອງປະຊາຊົນຮົງກົງແລະອື່ນໆ,ຂອບໃຈນຳລັດຖະບານກາງທີ່ໄດ້ໃຫ້ຄວາມເອົາໃຈໃສ່ແລະສະໜັບສະໜູນແກ່ການພັດທະນາຂອງຮົງກົງ,ກ່າວວ່າ,ອຳນາດການປົກຄອງເຂດພິເສດຮົງກົງຈະສືບຕໍ່ພະຍາຍາມຮັກສາໃຫ້ເສດຖະກິດການເງິນຮົງກົງມີຄວາມໝັ້ນຄົງ.
ທ່ານຫູຈິນທາວໄດ້ຢືນຢັນຢ່າງເຕັມສ່ວນຕໍ່ວຽກງານຂອງທ່ານເຈີ່ງອິນສວນແລະຂອງອຳນາດການປົກຄອງເຂດພິເສດຮົງກົງ.ທ່ານກ່າວວ່າ,ສະພາບການຮົງກົງໃນຕໍ່ໜ້ານີ້ແມ່ນດີຢູ່,ເສດຖະກິດເຕີບໂຕໄວສົມຄວນ,ສັງຄົມຮັກສາມີຄວາມສະຫງົບ.ລັດຖະບານກາງເດັດດ່ຽວສະໜັບສະໜູນຄວາມຈະເລີນຮຸ່ງເຮືອງແລະຄວາມໝັ້ນຄົງດ້ານເສດຖະກິດຮົງກົງຢ່າງສະເໝີຕົ້ນສະເໝີປາຍ.ຂໍແຕ່ມີຜົນດີຕໍ່ຄວາມຈະເລີນຮຸ່ງເຮືອງແລະຄວາມໝັ້ນຄົງຂອງຮົງກົງ ມີຜົນດີຕໍ່ການຮ່ວມກັນພັດທະນາຂອງແຜ່ນດິນໃຫຍ່ແລະຮົງກົງ,ລັດຖະບານກາງກໍ່ຈະພະຍາຍາມເຮັດຢ່າງສຸດຂີດ.
