ບົດລາຍງານຮ້ອງຂໍເຂົ້າເປັນສະມາຊິກອົງການສະຫະປະຊາຊາດຂອງປາເລັສຕິນຍື່ນໃຫ້ສະພາຄວາມໝັ້ນຄົງ
(GMT+08:00) 2011-11-12 17:12:31 cri
ວັນທີ 11 ພະຈິກນີ້,ຄະນະກຳມະການຮັບເອົາປະເທດສະມາຊິກໃໝ່ຂອງສະພາຄວາມໝົ້ນຄົງໄດ້ປຶກສາຫາລືແບບອັດປະຕູ,ຜ່ານຮັບຮອງບົດລາຍງານກ່ຽວກັບປາເລັສຕິນຮ້ອງຂໍເຂົ້າເປັນສະມາຊິກອົງການສະຫະປະຊາຊາດ,ແລະໄດ້ຍື່ນບົດລາຍງານນີ້ໃຫ້ສະພາຄວາມໝົ້ນຄົງແລ້ວ.
ບົດລາຍງານນີ້ກ່າວວ່າ,ຄະນະກຳມະການຮັບເອົາປະເທດສະມາຊິກໃໝ່ຂອງສະພາຄວາມໝັ້ນຄົງບໍ່ໄດ້ມີຄວາມເຫັນເປັນເອກະສັນກັນໃນບັນຫາປາເລັສຕິນຮ້ອງຂໍເຂົ້າເປັນສະມາຊິກອົງການສະຫະປະຊາຊາດ.
ມື້ດຽວກັນ,ຜູ້ສັງເກດການປາເລັສຕິນປະຈຳສະຫະປະຊາຊາດກ່າວຕໍ່ນັກຂ່າວວ່າ,ທ່ານເຫັນວ່າບົດລາຍງານແມ່ນພາວະວິໄສ,ໄດ້ສ່ອງແສງໃຫ້ເຫັນທັດສະນະແລະຫລັກໝັ້ນຂອງປະເທດມົນຕີສະພາຄວາມໝັ້ນຄົງໃນລະດັບຫລາຍສົມຄວນ.ທ່ານຂໍຂອບໃຈນຳປະເທດມົນຕີສະພາຄວາມໝັ້ນຄົງທີ່ສະໜັບສະໜູນປາເລັສຕິນເຂົ້າເປັນສະມາຊິກອົງການສະຫະປະຊາຊາດ.ທ່ານຍັງເວົ້າວ່າ,ປາເລັສຕິນຈະຄົ້ນຄວ້າບົດລາຍງານສະບັບນີ້ແລະສະຖານະການລວມແຫ່ງການຮ້ອງຂໍເຂົ້າເປັນສະມາຊິກອົງການສະຫະປະຊາຊາດຢ່າງວ່ອງໄວແລະຮອບດ້ານ,ທຳການຕົກລົງໂດຍໄວຕໍ່ການເຄື່ອນໄຫວໃນຂັ້ນຕໍ່ໄປໃນລະບົບອົງການສະຫະປະຊາຊາດ.
