ກອງປະຊຸມສຸດຍອດບໍ່ເປັນທາງການAPECຄັ້ງທີ19ຈັດຂຶ້ນ
(GMT+08:00) 2011-11-14 10:27:00 cri
ຕອນເຊົ້າວັນທີ13ພະຈິກນີ້ຕາມເວລາທ້ອງຖິ່ນ, ກອງປະຊຸມສຸດຍອດບໍ່ເປັນທາງການຂອງອົງການຮ່ວມມືດ້ານເສດຖະກິດອາຊີປາຊີຟິກຫຼືAPECຄັ້ງທີ19ໄດ້ຈັດກອງປະຊຸມໄລຍະທີ1ຢູ່ໂຮໂນລູໆລັດຮາວາຍອາເມລິກາ. ຜູ້ນຳແລະຜູ້ຕາງໜ້າທີ່ມາຈາກ21ສະມາຊິກຂອງອົງການAPEC,ເຊັ່ນ:ທ່ານຫູຈິນທ່າວ, ປະທານປະເທດຈີນແລະຜູ້ນຳທ່ານອື່ນໆໄດ້ເຂົ້າຮ່ວມກອງປະຊຸມ.
"ເສດຖະກິດພາກພື້ນທີ່ພົວພັນກັນຢ່າງແໜ້ນແຟ້ນ"ແມ່ນຫົວຂໍ້ຫຼັກຂອງກອງປະຊຸມສຸດຍອດບໍ່ເປັນທາງການຄັ້ງນີ້. ໃນກອງປະຊຸມໄລຍະທີ1ທີ່ຈັດຂຶ້ນໃນຕອນເຊົ້າວັນທີ13ພະຈິກນີ້,ຝ່າຍຕ່າງໆທີ່ເຂົ້າຮ່ວມກອງປະຊຸມໄດ້ດຳເນີນການປຶກສາຫາລືກັນກ່ຽວກັບການຈະເລີນເຕີບໂຕທາງດ້ານເສດຖະກິດຂອງອົງການAPEC,ຫຼັງຈາກນັ້ນໄດ້ສົນທະນາກັນກັບຜູ້ຕາງໜ້າຂອງຄະນະໃຫ້ການປຶກສາດ້ານອຸດສາຫະກຳການຄ້າAPEC,ຫົວຂໍ້ສົນທະນາກ່ຽວພັນເຖິງເສດຖະກິດພາກພື້ນເຊື່ອມໂຍງເຂົ້າເປັນອັນໜຶ່ງອັນດຽວກັນ,ການພັດທະນາວິສາຫະກິດຂະໜາດກາງແລະນ້ອຍ,ຄວາມປອດໄພດ້ານສະບຽງອາຫານແລະອື່ນໆ. ໃນງານລ້ຽງອາຫານທ່ຽງແລະກອງປະຊຸມໄລຍະທີ2,ຝ່າຍຕ່າງໆຍັງຈະປຶກສາຫາລືກັນກ່ຽວກັບແຜນການຈັດວາງການຮ່ວມມື,ການຄ້າການລົງທຶນແລະຫົວຂໍ້ອື່ນໆ.
ທ່ານຫູຈິນທ່າວໄດ້ສະແດງຈຸດຢືນຂອງຈີນກ່ຽວກັບສະພາບການເສດຖະກິດຂອງໂລກແລະຂອງອາຊີປາຊີຟິກ,ຊຸກຍູ້ການຄ້າແລະການລົງທຶນມີຄວາມເສລີແລະຄວາມສະດວກ,ເຕີບໂຕສີຂຽວ,ການຈັດວາງແຜນການການຮ່ວມມືແລະອື່ນໆ.
