ໄພນ້ຳຖ້ວມທີ່ເກີດຂຶ້ນຢູ່ນະຄອນຫຼວງບາງກອກຂອງໄທມີສະພາບການທີ່ດີຂຶ້ນ
(GMT+08:00) 2011-11-14 11:16:07 cri
ຕາມຂ່າວສານຊີນຮວາ: ວັນທີ13ພະຈິກນີ້, ທ່ານຍິ່ງລັກ ຊິນນະວັດ, ນາຍົກລັດຖະມົນຕີໄທກ່າວວ່າ, ໄພນ້ຳຖ້ວມຢູ່ບາງເຂດໃນນະຄອນຫຼວງບາງກອກຂອງໄທພວມຄ່ອຍໆມີສະພາບດີຂຶ້ນ,ລະດັບໜ້ານ້ຳຢູ່ຫຼາຍເຂດໄດ້ຫຼຸດລົງ,ເຂດໃຈກາງເມືອງຈະບໍ່ຖືກນ້ຳຖ້ວມ. ລັດຖະບານໄດ້ດຳເນີນ "ແຜນການຟື້ນຟູປະເທດຄືນໃໝ່",ດຳເນີນການສ້າງສາຄືນໃໝ່ຫຼັງໄພໂດຍແບ່ງເປັນ3ຂັ້ນຕອນ.
"ແຜນການຟື້ນຟູປະເທດຄືນໃໝ່"ທີ່ແບ່ງເປັນ3ຂັ້ນຕອນນັ້ນລວມມີ:ມາດຕະການສຸກເສີນ,ມາດຕະການໄລຍະສັ້ນແລະມາດຕະການໄລຍະຍາວ. ມາດຕະການສຸກເສີນແມ່ນຕອບສະໜອງຄວາມຮຽກຮ້ອງຕ້ອງການຂອງປະຊາຊົນທີ່ປະສົບໄພໃນ1ຫາ2ເດືອນດ້ວຍການຕອບສະໜອງເຄື່ອງຊ່ວຍເຫຼືອ,ການບໍລິການດ້ານການປິ່ນປົວແລະບ່ອນຢູ່ອາໄສຊົ່ວຄາວ; ເວລາກຳນົດໃນການປະຕິບັດມາດຕະການໄລຍະສັ້ນແມ່ນ1ປີ,ຄືດຳເນີນມາດຕະການທົດແທນຕ່າງໆໂດຍໄວເທົ່າທີ່ມີຄວາມສາມາດເຮັດໄດ້,ລວມທັງກອບກູ້ແລະປິ່ນປົວຜູ້ປະສົບໄພ,ສະໜອງເງິນກູ້,ການປະກັນໄພດ້ານການເງິນແລະອື່ນໆ; ແຜນການໄລຍະຍາວແມ່ນສ້າງຄວາມໝັ້ນໃຈຂອງປະຊາຊົນຄືນໃໝ່,ສ້າງຄວາມໄວ້ເນື້ອເຊື່ອໃຈຈາກນັກລົງທຶນຕ່າງປະເທດ,ຟື້ນຟູຄວາມຈະເລີນຮຸ່ງເຮືອງແລະສະຖຽນລະພາບຂອງປະເທດ.
