ຕາມຂ່າວສານອັນຕາຣາອິນໂດເນເຊຍ: ເຈົ້າໜ້າທີ່ລະດັບສູງຂອງປະເທດສະມາຊິກອາຊຽນຈະອອກຖະແຫລງການຮ່ວມກ່ຽວກັບການຮັບມືກັບໄພນໍ້າຖ້ວມໃນກອງປະຊຸມສຸດຍອດອາຊຽນທີ່ຈະຈັດຂຶ້ນໃນອາທິດນີ້, ເພື່ອສະແດງທ່າທີທີ່ຮ່ວມຈິດຮ່ວມໃຈຮັບມືກັບໄພນໍ້າຖ້ວມອັນຮ້າຍແຮງທີ່ໄທປະສົບໃນໄລຍະນີ້.
ພາຍຫລັງເຂົ້າຮ່ວມກອງປະຊຸມເພື່ອກະກຽມໃຫ້ແກ່ກອງປະຊຸມສຸດຍອດອາຊຽນໃນວັນທີ13ພະຈິກນີ້ແລ້ວ, ທ່ານ ອາດີ ປັດໂມ ຊາໂວໂນ,ເຈົ້າໜ້າທີ່ຮັບຜິດຊອບວຽກງານການເມືອງແລະຄວາມໝັ້ນຄົງອາຊຽນຂອງກະຊວງການຕ່າງປະເທດອິນໂດເນເຊຍກ່າວວ່າ, ຖະແຫລງການຮ່ວມດັ່ງກ່າວແມ່ນປະເທດໄທເປັນຜູ້ສະເໜີອອກມາ, ແລະໄດ້ຮັບຄວາມເຫັນດີເປັນເອກະສັນກັນຈາກປະເທດສະມາຊິກອາຊຽນ. ທ່ານອາເດກ່າວວ່າ, ຂໍ້ສະເໜີນີ້ແມ່ນອີງໃສ່ບົດຮຽນດ້ານໄພນໍ້າຖ້ວມຢູ່ປະເທດໄທໃນ, ຫວັງວ່າປະເທດສະມາຊິກອື່ນໆຈະສາມາດຖອດຖອນບົດຮຽນໃນວຽກງານຕ້ານໄພນໍ້າຖ້ວມໃນຕໍ່ໜ້າ.
