ກອງປະຊຸມສຸດຍອດບໍ່ເປັນທາງການຂອງອົງການຮ່ວມມືດ້ານເສດຖະກິດອາຊີປາຊີຟິກຫລືAPECຄັ້ງທີ19ໄດ້ຈັດຂຶ້ນຢູ່ນະຄອນຮາວາຍອາເມລິກາໃນວັນທີ13ພະຈິກນີ້. ທ່ານຫູຈີນທ່າວ, ປະທານປະເທດຈີນໄດ້ເຂົ້າຮ່ວມກອງປະຊຸມແລະກ່າວຄໍາໄປໄສ. ທ່ານຮຽກຮ້ອງໃຫ້ປະເທດສະມາຊິກAPECຊຸກຍູ້ການຫັນການລົງທຶນການຄ້າເປັນແບບເສລີແລະແບບສະດວກຢ່າງຮອບດ້ານ, ລົງເລິກການຮ່ວມມືດ້ານການພັດທະນາເສດຖະກິດແບບອະນຸລັກສິ່ງແວດລ້ອມ, ເພີ່ມທະວີການປະຕິຮູບອົງປະກອບເສດຖະກິດແລະການຮ່ວມມືດ້ານລະບຽບ.
ທ່ານຫູຈີນທ່າວກ່າວວ່າ, ການປຶກສາຫາລືແລະການຮ່ວມມືດ້ານການລົງທຶນການຄ້າໃນຕໍ່ໜ້າມີຜົນດີຕໍ່ການຊີ້ນໍາຂະບວນການຮ່ວມມືດ້ານການຄ້າແລະການລົງທຶນສາກົນ. ປະເທດສະມາຊິກຕ່າງໆຄວນເພີ່ມທະວີການເຊື່ອມໂຍງແລະການກໍ່ສ້າງທາງດ້ານພື້ນຖານໂຄງລ່າງໃນພາກພື້ນ, ລົບລ້າງອຸປະສັກທີ່ກີດຂວາງການຈໍລະຈອນສິນຄ້າແລະບໍລິການ, ເຮັດໃຫ້ຕົ້ນທຶນຈໍລະຈອນຫລຸດລົງ.ພ້ອມກັນນັ້ນ, ຄວນນໍາໃຊ້ມາດຕະການເພື່ອແກ້ໄຂບັນຫາຕ່າງໆເຊັ່ນ, ຄວາມຫຍຸ້ງຍາກໃນດ້ານລະດົມທຶນເຂົ້າໃນວິສາຫະກິດຂະໜາດກາງແລະນ້ອຍແລະອື່ນໆ. APECຄວນສືບຕໍ່ອີງຕາມຄວາມຮຽກຮ້ອງຕ້ອງການຂອງເປົ້າໝາຍໂບໂກ, ຊຸກຍູ້ການຫັນການລົງທຶນການຄ້າໃນພາກພື້ນອາຊີປາຊີຟິກເປັນແບບເສລີແລະແບບສະດວກຢ່າງຮອບດ້ານ, ລົງເລິກພາກພື້ນເຊື່ອມໂຍງເຂົ້າເປັນອັນໜຶ່ງອັນດຽວກັນ, ເພີ່ມທະວີການຮ່ວມມືດ້ານເສດຖະກິດແລະເຕັກນິກ, ບັນລຸປະເທດສະມາຊິກຕ່າງໆພັດທະນາຮ່ວມກັນ.
ທ່ານຫູຈີນທ່າວກ່າວເນັ້ນວ່າ, ໃນຂະບວນການລົງເລິກການຮ່ວມມືດ້ານການພັດທະນາເສດຖະກິດແບບອະນຸກລັກສິ່ງແວດລ້ອມນັ້ນ, ປະເທດສະມາຊິກຕ່າງໆຄວນອີງຕາມຄວາມຮຽກຮ້ອງຕ້ອງການຂອງເປົ້າໝາຍໂບໂກ, ຄໍານຶງເຖິງສະພາບແຫ່ງຊາດແລະຖານະທີ່ຕ່າງກັນລະຫວ່າງປະເທດສະມາຊິກທີ່ພັດທະນາແລ້ວກັບສະມາຊິກທີ່ພວມພັດທະນາ, ຫລຸດກໍາແພງພາສີແລະບໍ່ແມ່ນພາສີດ້ານຜະລິດຕະພັນສິ່ງແວດລ້ອມໃຫ້ຕໍ່າລົງ, ເພີ່ມທະວີການເຜີຍແຜ່ແລະການຮ່ວມມືດ້ານເຕັກນິກທີ່ກ່ຽວຂ້ອງດ້ານບໍລິການແລະຜະລິດຕະພັນສິ່ງແວດລ້ອມ, ຊ່ວຍເຫລືອປະເທດສະມາຊິກທີ່ພວມພັດທະນາພັດທະນາຂະແໜງການສິ່ງແວດລ້ອມ, ພະຍາຍາມບັນລຸການຄ້າ, ສິ່ງແວດລ້ອມແລະການພັດທະນາທີ່ຕ່າງຝ່າຍຕ່າງມີ ຜົນປະໂຫຍດ, ຫລີກເວັ້ນບໍ່ໃຫ້ເກີດກໍາແພງດ້ານອະນຸລັກສິ່ງແວດລ້ອມອັນໃໝ່. ນອກນີ້, ໂດຍຜ່ານການເພີ່ມທະວີການຟື້ນຟູແລະການຄຸ້ມຄອງຢ່າງຕໍ່ເນື່ອງຂອງເນື້ອທີ່ປ່າໄມ້ໃນພາກພື້ນອາຊີປາຊີຟິກ, ຮັບມືກັບການປ່ຽນແປງຂອງດິນຟ້າອາກາດ, ແລະຮ່ວມກັນເຮັດໃຫ້ລາຄາຂອງສິນຄ້າລາຍໃຫຍ່ມີຄວາມໝັ້ນທ່ຽງເຊັ່ນພະລັງງານແລະອື່ນໆ, ປັບປຸງອົງປະກອບຂອງພະລັງງານ, ເພີ່ມທະວີການຮ່ວມມືສາກົນໃນຂົງເຂດຕ່າງໆເຊັ່ນ, ພະລັງງານໃໝ່,ພະລັງງານໝູນວຽນ, ການປະຢັດພະລັງງານແລະການຫລຸດການບາຍກາກບອນດີອອກຊິດແລະອື່ນໆ.
ທ່ານຫູຈີນທ່າວຊີ້ອອກວ່າ, ປະເທດສະມາຊິກAPECຄວນອີງໃສ່ຫລັກການສະໝັກໃຈ,ສະເໝີພາບ, ດໍາເນີນໄປເທື່ອລະກ້າວ, ຄ່ອງແຄ້ວແລະມີການກະທໍາຕົວຈິງ,ເພື່ອເພີ່ມທະວີການຮ່ວມມືໃນເຂດສໍາຄັນດ້ານການປະຕິຮູບອົງປະກອບເສດຖະກິດ. ຄວນສ້າງລະບຽບການຕົກລົງນະໂຍບາຍທີ່ໃຫ້ປະຊາຊົນມີສ່ວນຮ່ວມ, ຊ່ຽວຊານໃຫ້ຄໍາປຶກສາ, ການປະເມີນຜົນຄວາມສ່ຽງ, ກວດກາທີ່ຊອບດ້ວຍກົດໝາຍ, ປຶກສາຫາລືແລະຕົກລົງເປັນໝູ່ຄະນະ. ຄວນດໍາເນີນກິດຈະກໍາຕ່າງໆເຊັ່ນ,ການບໍາລຸງສ້າງຄວາມສາມາດໃນການແລກປ່ຽນບົດຮຽນແລະອື່ນໆ, ຊ່ວຍເຫລືອປະເທດສະມາຊິກຕ່າງໆປະຕິຮູບຮູບແບບພັດທະນາເສດຖະກິດ, ຫັນປ່ຽນຮູບແບບພັດທະນາເສດຖະກິດ, ຊຸກຍູ້ການປະຕິຮູບລະບົບການບໍລິຫານ.
