ເວລາ20 ໂມງວັນທີ14ພະຈິກນີ້ຕາມເວລາປັກກິ່ງ,ພາຍໃຕ້ການຄວບຄຸມທີ່ແມ່ນຢຳທີ່ສຸດຂອງສູນຄວບຄຸມການບິນອະວະກາດປັກກິ່ງ,ຍານອະວະກາດ"ທ່ຽນກົ່ງເລກ1"ແລະ"ເຊິນໂຈ່ວເລກ8"ໄດ້ດຳເນີນການເຊື່ອມຕໍ່ເຂົ້າກັນເທື່ອທີສອງຢ່າງສຳເລັດຜົນ,ການທົດລອງເຊື່ອມຕໍ່ເຂົ້າກັນເທື່ອນີ້ໄດ້ຮັບຜົນສຳເລັດນັ້ນໄດ້ກວດສອບກາຄຸນນະພາບແລະຄຸນລັກສະນະຂອງອຸປະກອນແລະເຄື່ອງປະກອບເຊື່ອມຕໍ່ວັກແທກເຂົ້າກັນ,ແລ້ວໄດ້ຮັບຂໍ້ມູນທີ່ກ່ຽວຂ້ອງ, ບັນລຸຕາມເປົ້າຫມາຍທີ່ຄາດໄວ້.
ຈຸດປະສົງຕົ້ນຕໍໃນການທົດລອງເທື່ອນີ້ແມ່ນເພື່ອກວດກາການແຍກອອກ ຈາກກັນຂອງຍານອະວະກາດເຊື່ອມຄໍ່,ຄຸນນະພາບຂອງຍານອະວະກາດໃນເວລາກັບຄືນສູ່ຫນ່ວຍໂລກແລະຄຸນລັກສະນະວຽກງານຂອງອຸປະກອນວັດແທກທີ່ເຊື່ອມຕໍ່ເຂົ້າກັນໃນເຂດແສງຕາເວັນ,ແລະຍານອະວະກາດ"ທ່ຽນກົ່ງເລກ1"ແລະ"ເຊິນໂຈ່ວເລກ8"ເຊື່ອມຕໍ່ເຂົ້າກັນເປັນເທື່ອທີສອງ.
ຫຼັງຈາກສຳເລັດການທົດລອງເຊື່ອມຕໍ່ເຂົ້າກັນເປັນເທື່ອທີສອງແລ້ວ,ສູນຄວບຄຸມການບິນອະວະກາດປັກກິ່ງຈະສືບຕໍ່ວັດແທກແລະຄວບຄຸມຍານອະວະກາດທີ່ເຊື່ອມຕໍ່ຢ່າງແມ່ນຢຳທີ່ສຸດ.ພ້ອມກັນນັ້ນກໍ່ຕັ້ງຫນ້າເກັບກຳຂໍ້ມູນທີ່ ກ່ຽວຂ້ອງທີ່ຕິດຕາມກ່ຽວກັບອາກາດເທິງອະວະກາດແລະອື່ນໆ,ເພື່ອຄິດໄລ່ແລະດັດແກ້ຕົວຈຳແນກວົງໂຄຈອນກ່ອນຍານອະວະກາດກັບຄືນສູ່ຫນ່ວຍໂລກ,ແລະກຽມພ້ອມເພື່ອຮັບປະກັບໃນການແຍກອອກຈາກັນອີກເທື່ອຫນຶ່ງເພື່ອເຮັດໃຫ້ຍານອະວະກາດ"ເຊິນໂຈ່ວເລກ8"ກັບຄືນຢ່າງສະດວກ.
