ວັນທີ15ພະຈິກນີ້, ງານວາງສະແດງການຂຽນງາມແລະຮູບແຕ້ມທີ່ມີຫົວຂໍ້ວ່າ"ການເດີນທາງທ່າມກາງຟ້າຝົນລົມແຮງເປັນເວລາ70ປີ, ໜັງສືຂຽນງາມແລະຮູບແຕ້ມສະແດງຄວາມສະຫງ່າງາມ"ໄດ້ຈັດຂຶ້ນຢູ່ນະຄອນຫຼວງປັກກິ່ງ.
ນີ້ແມ່ນສ່ວນສຳຄັນໜຶ່ງໃນກິດຈະກຳສະເຫຼີມສະຫຼອງວັນສ້າງຕັ້ງCRIຄົບຮອບ70ປີ, ໃນງານວາງສະແດງການຂຽນງາມແລະຮູບແຕ້ມຄັ້ງນີ້ໄດ້ມີຜົນງານດີເດັ່ນ120ກວ່າສະບັບ, ໃນນັ້ນຍັງມີຄຳອວຍພອນແລະຮູບແຕ້ມທີ່ນັກຂຽນງາມແລະແຕ້ມຮູບທີ່ມີຊື່ສຽງຂອງຈີນບັນຈົງແຕ່ງແຕ້ມຂຶ້ນເປັນພິເສດເພື່ອສະຫຼອງວັນສ້າງຕັ້ງCRIຄົບຮອບ70ປີ, ແລະຍັງມີບົດຂຽນຂອງພະນັກງານCRIຜູ້ນິຍົມການຂຽນງາມແລະແຕ້ມຮູບ, ເຊິ່ງງານວາງສະແດງຄັ້ງນີ້ຈະດຳເນີນໄປຈົນຮອດທ້າຍປີນີ້ຈຶ່ງຈະສິ້ນສຸດ, ທັງນີ້ເພື່ອສະເຫຼີມສະຫຼອງວຽກງານວິທະຍຸກະຈາຍສຽງຕໍ່ຕ່າງປະເທດຂອງປະຊາຊົນຈີນພ້ອມດ້ວຍວິທະຍຸສາກົນແຫ່ງປະເທດຈີນຫຼືCRIສ້າງຕັ້ງຂຶ້ນຄົບຮອບ70ປີ, ເພື່ອວາງສະແດງຜົນງານຂະຫຍາຍຕົວຂອງCRIໃນ70ປີຜ່ານມາ.
CRIສ້າງຕັ້ງຂຶ້ນໃນວັນທີ3ທັນວາປີ1941, ປະຈຸບັນ, CRIໄດ້ກະຈາຍສຽງຕໍ່ທົ່ວໂລກດ້ວຍ61ພາສາ, ເຊິ່ງກາຍເປັນອົງການສື່ສານສາກົນແບບສັງລວມທີ່ມີພາສາຫຼາຍທີ່ສຸດໃນໂລກ.
