ອາຊຽນຄວນສືບຕໍ່ສະໜັບສະໜູນການໃຊ້ເງິນຢວນຈີນຢູ່ຕ່າງປະເທດ
(GMT+08:00) 2011-11-15 11:28:55 cri
ໃນບົດລາຍງານສະບັບຫຼ້າສຸດທີ່ປະກາດໃນຫວ່າງມໍ່ໆມານີ້, ທະນາຄານＯＣＢＣຂອງສິງກະໂປ ແລະບໍລິສັດＪ．Ｐ．ມໍແກນເຫັນວ່າ, ເງິນຢວນຈີນຫັນເປັນສາກົນມີທ່າອ່ຽງທີ່ບໍ່ສາມາດຖືກກີດຂວາງໄວ້ໄດ້,ແຕ່ຄວນວິເຄາະເຖິງຄວາມສ່ຽງແລະກາລະໂອກາດໃນຂະບວນການເງິນຢວນຈີນຫັນເປັນສາກົນດ້ວຍທ່າທີໃຈເຢັນກວ່າເກົ່າ. ທ່ານຫຼີຫີຼຫຸ່ຍ, ຜູ້ອຳນວຍການທະນາຄານຈີນກ່າວໃນເວທີປຶກສາຫາລືການນຳການຮ່ວມມືແລະການພັດທະນາດ້ານການເງິນຈີນ-ອາຊຽນທີ່ຈັດຂຶ້ນໃນເດືອນຕຸລາແລ້ວນີ້ວ່າ,ເຂດອາຊຽນໃນຖານະເປັນເຂດທົດລອງຂອງຕ່າງປະເທດບ່ອນທຳອິດທີ່ຊຳລະບັນຊີດ້ວຍເງິນຢວນຈີນໃນທາງການຄ້າຕ່າງປະເທດຂອງຈີນ,ຄວນສືບຕໍ່ສົ່ງເສີມແລະສະໜັບສະໜູນການນຳໃຊ້ເງິນຢວນຈີນຢູ່ຕ່າງປະເທດໃນທາງການຄ້າແລະການລົງທຶນຂອງພາກພື້ນ.
ທ່ານຫຼີຫຼີຫຸ່ຍເຫັນວ່າ, ຄ່າເງິນຢວນມີຄວາມໝັ້ນທ່ຽງໂດຍທຽບຖານແລະສາມາດຮັບເອົາດ້ໃນລະດັບສູງໃນພາກພື້ນນີ້.ການເພີ່ມຈຳນວນຈໍລະຈອນຂອງເງິນຢວນແລະເປີດກວ້າງຂອບເຂດນຳໃຊ້ເງິນຢວນຢ່າງບໍ່ຢຸດຢັ້ງ, ມີຄວາມໝາຍສຳຄັນຫຼາຍຕໍ່ການຊ່ວຍໃຫ້ວິສາຫະກິດໃນພາກພື້ນຫຼີກເວັ້ນຄວາມສ່ຽງດ້ານອັດຕາແລກປ່ຽນເງິນຕາສາກົນ,ຫຼຸດຄວາມສ່ຽງດ້ານການຈັດສັນຊັບສິນທີ່ບໍ່ຖືກຕ້ອງ,ຫຼີກເວັ້ນຜົນເສຍຫາຍຈາກການແລກປ່ຽນເງິນຕາຫຼາຍເທື່ອ,ແລະຊຸກຍູ້ການຄ້າແລະການລົງທຶນໃຫ້ມີຄວາມສະດວກ.
ທ່ານຫຼີຫີຼຫຸ່ຍກ່າວວ່າ,ການລົງເລິກການພົວພັນຄູ່ຮ່ວມມືດ້ານເສດຖະກິດການຄ້າລະຫວ່າງຈີນ-ອາຊຽນບໍ່ສາມາດຕັດຂາດຈາກການສະໜັບສະໜູນຂອງການຮ່ວມມືດ້ານການເງິນໄດ້. ໃນຂະນະທີ່ສຳຄັນທີ່ສະຖານະການເສດຖະກິດແລະການເງິນຂອງໂລກໃນປະຈຸບັນປັ່ນປ່ວນ,ການເພີ່ມທະວີການຮ່ວມມືດ້ານການເງິນຂອງພາກພື້ນມີຄວາມໝາຍສຳຄັນຫຼາຍກວ່າ. ມາຮອດທ້າຍປີ2010ຜ່ານມາ,ຈີນໄດ້ຕັ້ງອົງການການເງິນ11ແຫ່ງຢູ່ອາຊຽນ,ຊັບສິນລວມຂອງອົງການການເງິນຂອງອາຊຽນຢູ່ຈີນໄດ້ມີຮອດ 14ຕື້930ລ້ານໂດລາສະຫະລັດ. ຂອບເຂດການຮ່ວມມືດ້ານການບໍລິການຂອງທະນາຄານໄດ້ຮັບການເປີດກວ້າງຢ່າງບໍ່ຢຸດຢັ້ງ,ນີ້ໄດ້ສະໜັບສະໜູນການຮ່ວມມືລະຫວ່າງວິສາຫະກິດຂອງສອງຝ່າຍຢ່າງແຂງແຮງໃນດ້ານຄົມມະນາຄົມ,ພະລັງງານ,ໂທລະຄົມມະນາຄົມ,ສິ່ງແວດລ້ອມ,ກະສິກຳ,ການພັດທະນາຊັບພະຍາກອນມະນຸດ,ການທ່ອງທ່ຽວແລະດ້ານອື່ນໆ.
ຂ່າວແຈ້ງວ່າ,ເລີ່ມແຕ່ປີ2009ເປັນຕົ້ນມາ,ຈີນໄດ້ເຊັນສັນຍາແລກປ່ຽນເງິນຕາລະຫວ່າງສອງຝ່າຍກັບຫຼາຍປະເທດອາຊຽນເຊັ່ນ:ມະເລເຊຍ,ສິງກະໂປ,ຟີລິບປິນ,ອິນໂດເນເຊຍ,ໄທແລະອື່ນໆ,ແລະໄດ້ຮ່ວມກັນຮຽກຮ້ອງໃຫ້ສ້າງຄັງສຳຮອງເງິນຕາຕ່າງປະເທດພາກພື້ນອາຊີລວມເປັນເງິນ 12ຕື້ໂດລາ,ນີ້ໄດ້ຍົກສູງຄວາມສາມາດຂອງສອງຝ່າຍໃນການປ້ອງກັນແລະແກ້ໄຂບັນຫາຈໍລະຈອນຂອງເງິນຕາແລະການໃຊ້ຈ່າຍສາກົນ. ປີ2010,ທະນາຄານຈີນໄດ້ສ້າງຕັ້ງ "ສູນບໍລິການເງິນຢວນຈີນ-ອາຊຽນ"ຢູ່ເຂດກວາງຊີ,ປີ2011ນີ້,ກໍ່ໄດ້ສ້າງຕັ້ງສູນລະດົມທຶນສິນຄ້າລາຍໃຫຍ່ຢູ່ສິງກະໂປອີກ,ສຸມກຳລັງຜ່ານກົນໄກການຮັບປະກັນແລະປະດິດສ້າງໃໝ່ຜະລິດຕະພັນ,ສະໜອງການບໍລິການດ້ານການເງິນທີ່ຮອບດ້ານ,ມີຄຸນນະພາບສູງແລະປະສິດທິພາບສູງໃຫ້ແກ່ການຄ້າແລະການລົງທຶນຂອງພາກພື້ນຈີນ-ອາຊຽນ.
