ຕາມຂ່າວສານອັນຕາຣາຂອງອິນໂດເນເຊຍ: ວັນທີ14ພະຈິກນີ້, ເຈົ້າໜ້າທີ່ລະ ດັບສູງຂອງປະເທດຕ່າງໆໃນອາຊຽນໄດ້ບັນລຸຄວາມເຫັນເປັນເອກະພາບກັນກ່ຽວກັບການຊຸກຍູ້ໃຫ້ມີການນໍາໃຊ້ວິຊາລະບົບດຽວກັນໃນອາຊຽນເຂົ້າສູ່ໄລຍະສະເໜີໃນປີ2012, ເຈົ້າໜ້າທີ່ເຫລົ່ານີ້ກ່າວວ່າຈະອອກແຮງຊຸກຍູ້ໃຫ້ມີການນໍາໃຊ້ວິຊາລະບົບດຽວກັນໃນອາຊຽນນັບມື້ນັບສົມບູນຂຶ້ນ.
ກອງປະຊຸມເຈົ້າໜ້າທີ່ລະດັບສູງອາຊຽນເພື່ອກະກຽມໃຫ້ແກ່ກອງປະຊຸມລະດັບລັດຖະມົນຕີອາຊຽນທີ່ຈັດຂຶ້ນໃນມື້ດຽວກັນທີ່ເກາະບາຫລີຂອງອິນໂດເນເຊຍ. ທ່ານເກເດ ກູຣາ ສະວາຈາຢາເອກອັກຄະລັດຖະທູດອິນໂດເນເຊຍປະຈຳອາຊຽນກ່າວຫຼັງກອງປະຊຸມວ່າ, ກອງປະຊຸມຄັ້ງນີ້ໄດ້ເອົາໃຈໃສ່ພິຈາລະນາບັນຫາການນໍາໃຊ້ວິຊາລະບົບດຽວກັນໃນອາຊຽນ, ແລະຈະຍື່ນຂໍ້ສະເໜີນີ້ຍື່ນໃຫ້ກອງປະຊຸມລະດັບລັດຖະມົນຕີອາຊຽນເພື່ອກະກຽມໃຫ້ແກ່ກອງປະຊຸມສຸດຍອດອາຊຽນຄັ້ງທີ19ພິຈາລະນາ.
