ແຕ່ປີ2006ຫາປີ2010ມູນຄ່າການຄ້າລະຫວ່າງຢຸນນານກັບອາຊຽນບັນລຸ15ຕື້600ລ້ານໂດລາ
(GMT+08:00) 2011-11-15 16:35:34 cri
ຕາມຂ່າວສານຈີນ:ວັນທີ14ກໍລະກົດນີ້,ເຈົ້າໜ້າທີ່ດ່ານພາສີຄຸນມີງລາຍງານວ່າ,ໃນ5ປີຜ່ານມາຄືແຕ່ປີ2006ຫາປີ2010,ມູນຄ່າການຄ້າລະຫວ່າງແຂວງຢຸນນານຈີນກັບບັນດາປະເທດອາຊຽນຖີບຕົວສູງຂຶ້ນ,ບັນລຸເຖິງ15ຕື້600ລ້ານໂດລາ,ຈັງຫວະເຕີບໂຕສະເລ່ຍແມ່ນ16,1%ຕໍ່ປີ.
ຜະລິດຕະພັນ90%ລະຫວ່າງຈີນກັບປະເທດອາຊຽນຖືກຍົກເວັ້ນພາສີໃນປີ2010,ນີ້ໄດ້ກະຕຸ້ນໃຫ້ການພົວພັນການຄ້າລະຫວ່າງສອງຝ່າຍເຕີບໂຕຢ່າງແຂງແຮງ.ລວມຍອດມູນຄ່າຂາເຂົ້າຂາອອກລະຫວ່າງແຂວງຢຸນນານກັບປະເທດອາຊຽນມີ4ຕື້575ລ້ານໂດລາ,ເພີ່ມຂຶ້ນ45,2%ເມື່ອທຽບກັບໄລຍະດຽວກັນຂອງປີ2009.
ຜູ່ຮັບຜິດຊອບຂອງຫ້ອງການອາຊຽນຂອງພະແນກການຄ້າແຂວງຢຸນນານແຈ້ງໃຫ້ຮູ້ວ່າ, ພະລັງງານໄຟຟ້າໄດ້ກາຍເປັນຜະລິດຕະພັນໃໝ່ທີ່ແຂວງຢຸນນານສົ່ງອອກໃຫ້ບັນດາປະເທດອາຊຽນໃນໄລຍະ5ປີຜ່ານມາ,ຊຶ່ງໃນ5ປີຜ່ານມານີ້,ແຂວງຢຸນນານໄດ້ສົ່ງອອກພະລັງງານໄຟຟ້າ160ລ້ານກິໂລວັດໂມງໃຫ້ແກ່ລາວ,ມຽນມາແລະຫວຽດນາມ.
