ຈີນສະແດງທ່າທີຢ່າງເປີດອົກເປີດໃຈຕໍ່ຂໍ້ລິເລີ່ມການຮ່ວມມືໃດໆທີ່ມີຜົນດີຕໍ່ການເຮັດໃຫ້ເສດຖະກິດພາກພື້ນອາຊີປາຊິຟິກເຊື່ອມໂຍງເຂົ້າກັນແລະຈະເລີນຮ່ວມກັນ
(GMT+08:00) 2011-11-15 17:04:48 cri
ວັນທີ15ພະຈິກນີ້,ທ່ານລິວເຈີ້ນມີນ,ຜູ່ຊ່ວຍລັດຖະມົນຕີວ່າການກະຊວງການຕ່າງປະເທດຈີນກ່າວວ່າ,ຈີນສະແດງທ່າທີຢ່າງເປີດອົກເປີດໃຈຕໍ່ຂໍ້ລິເລີ່ມການຮ່ວມມືໃດໆກໍຕາມທີ່ມີຜົນດີຕໍ່ການເຮັດໃຫ້ເສດຖະກິດພາກພື້ນອາຊີປາຊິຟິກເຊື່ອມໂຍງເຂົ້າກັນແລະຈະເລີນເຕີບໂຕຮ່ວມກັນ,ເຊິ່ງລວມທັງສົນທິສັນຍາການພົວພັນຄູ່ຮ່ວມມືຍຸດທະສາດເສດຖະກິດພາກພື້ນປາຊິຟິກ ຫຼືTPP.ທ່ານກ່າວເນັ້ນວ່າ,ດຽວນີ້ຈີນບໍ່ໄດ້ເຂົ້າຮ່ວມການເຈລະຈາຂອງ TPP,ແຕ່ຈະນຳໃຊ້ເວທີການຮ່ວມມືທີ່ມີຢູ່ແລ້ວນັ້ນໃຫ້ໄດ້ດີດັ່ງທີ່ເຄີຍປະຕິບັດຜ່ານມາ,ຊຸກຍູ້ໃຫ້ການຮ່ວມມືໃນອາຊີຕາເວັນອອກພັດທະນາໄປສູ່ລວງເລິກ.
ວັນທີ15ພະຈິກນີ້,ກະຊວງການຕ່າງປະເທດຈີນໄດ້ຖະແຫຼງຂ່າວຕໍ່ສື່ມວນຊົນຈີນແລະຕ່າງປະເທດກ່ຽວກັບການທີ່ທ່ານເວີ່ນເຈ່ຍປາວ,ນາຍົກລັດຖະມົນຕີຈີນຈະເດີນທາງໄປເຂົ້າຮ່ວມກອງປະຊຸມຜູ່ນຳອາຊີຕາເວັນອອກແລະຢ້ຽມຢາມບຼູໄນ.
