ຈີນຈະບັນລຸການພັດທະນາເສດຖະກິດຢ່າງຫມັ້ນທ່ຽງແລະໄວສົມຄວນໃນການປ່ຽນແປງຮູບການແລະປະດິດສ້າງໃຫມ່
(GMT+08:00) 2011-11-16 10:54:10 cri
ວັນທີ15ພະຈິກນີ້,ຢູ່ທີ່ນະຄອນຫຼວງປັກກິ່ງ,ທ່ານຫຼີເຄີ້ຊຽງ,ຮອງນາຍົກລັດ ຖະມົນຕີຈີນກ່າວວ່າ,ໃນໄລຍະປະຕິບັດ＂ແຜນການພັດທະນາເສດຖະກິດສັງຄົມ 5 ປີຄັ້ງທີ12＂,ຈີນຈະບັນລຸການພັດທະນາເສດຖະກິດຢ່າງຫມັ້ນທ່ຽງແລະໄວສົມຄວນໃນການປ່ຽນແປງຮູບການແລະປະດິດສ້າງໃຫມ່.
ທ່ານຫຼີເຄິ້ຊຽງໄດ້ກ່າວຄວາມເວົ້ານີ້ໃນກອງປະຊຸມປະຈຳປີ2011ຂອງ ຄະນະກຳມະການການຮ່ວມມືສາກົນທາງດ້ານສິ່ງແວດລ້ອມແລະການພັດທະນາຂອງຈີນ.ທ່ານກ່າວວ່າ,ໃນປະຈຸບັນນີ້,ເສດຖະກິດໂລກພວມປະເຊີນກັບບັນຫາຕົວຈິງໃນດ້ານຕ່າງໆເຊັ່ນ: ວິກິດການຫນີ້ສິນພາກລັດ,ການປັ່ນປ່ວນຂອງວິກິດການການເງິນ,ການເຕີບໂຕຫຼຸດຕ່ຳລົງແລະອື່ນໆ.ພາຍໃຕ້ສະພາບການຄືແນວນີ້,ການເຮັດໃຫ້ເສດຖະກິດໂລກບັນລຸການຕີບໂຕຢ່າງແຂງແຮງນັ້ນຍັງແມ່ນຫນ້າທີ່ທີ່ສຳຄັນທີ່ສຸດ.
ທ່ານຫຼີເຄິ້ຊຽງກ່າວວ່າ,ຈີນປ່ຽນແປງຮູບການພັດທະນາໄປຕາມຮູບການເປີດປະຕູພາຍໃຕ້ສະພາບການເສດຖະກິດໂລກາວິວັດ.ຈີນຈະເພີ່ມທະວີການຮ່ວມມືສາກົນໃນຂົງເຂດທີ່ກ່ຽວຂ້ອງ,ຮັບເອົາທັດສະນະແລະບົດຮຽນທີ່ດີໃນການຄຸ້ມຄອງແລະອະນຸລັກສິ່ງແວດລ້ອມຈາກຕ່າງປະເທດມານຳໃຊ້,ເພື່ອຮ່ວມກັນປະກອບສ່ວນເຂົ້າໃນພາລະກິດການພັດທະນາແບບຍືນຍົງ.
