ເຄື່ອງເຟີນີເຈີທີ່ເຮັດດ້ວຍໄມ້ແດງຈາກອາຊີອາຄະເນຈະເປັນຈຸດສຸມໃນງານວາງສະແດງຜະລິດຕະພັນໄມ້ຂອງງານວາງສະແດງສິນຄ້າຈີນອາຊຽນຈະຈັດຂຶ້ນຢູ່ນະຄອນນານນີງ
(GMT+08:00) 2011-11-16 15:45:36 cri
ງານວາງສະແດງຜະລິດຕະພັນໃນປ່າແລະຜະລິດຕະພັນໄມ້ຂອງງານວາງສະແດງສິນຄ້າຈີນອາຊຽນປີ2011ຈະດຳເນີນໄປແຕ່ວັນທີ18ຫາວັນທີ21ພະຈິກນີ້ຢູ່ນະຄອນນານນີງ, ເທດສະບານເຂດປົກຄອງຕົນເອງເຜົ່າຈ້ວງກວາງຊີ. ວັນທີ15ພະຈິກນີ້, ນາງຫວງຢວນ, ຮອງເລຂາທິການກອງເລຂາງານວາງສະແດງສິນຄ້າຈີນອາຊຽນກ່າວວ່າ, ເຄື່ອງເຟີນີເຈີທີ່ຜະລິດດ້ວຍໄມ້ແດງຈາກອາຊີອາຄະເນຊຶ່ງເປັນສິນຄ້າລະດັບສູງຈະກາຍເປັນຈຸດເດັ່ນໃນງານວາງສະແດງຜະລິດຕະພັນໄມ້ຄັ້ງນີ້.
ນາງຫວງຢວນແຈ້ງໃຫ້ຊາບວ່າ, ນັກທຸລະກິດໄມ້ແດງຂອງລາວ, ຫວຽດນາມ, ກຳປູເຈຍແລະມຽນມາເຊິ່ງເປັນປະເທດຜະລິດເຄື່ອງເຟີນີເຈີດ້ວຍໄມ້ແດງຈຳນວນຫຼວງຫຼາຍລ້ວນແຕ່ຈະນຳເອົາຜະລິດຕະພັນທີ່ມີເອກະລັກຂອງຕົນມາວາງສະແດງ. ນາງຊີ້ອອກວ່າ, ຂະແໜງການຜະລິດຕະພັນໄມ້ເປັນຂົງເຂດໜຶ່ງໃນການຮ່ວມມືລະຫວ່າງຈີນກັບອາຊຽນ, ສອງຝ່າຍມີທ່າແຮງຊ່ວຍຊູຍູ້ໜູນເຊິ່ງກັນແລະກັນໃນຂະແໜງການນີ້, ແລະໄດ້ກາຍເປັນສິນຄ້າຂາເຂົ້າຂາອອກທີ່ສຳຄັນລະຫວ່າງສອງຝ່າຍ; ງານວາງສະແດງຄັ້ງນີ້ມີຈຸດປະສົງເພື່ອຊຸກຍູ້ທຸລະກິດໄມ້ຈີນເປີດກວ້າງເຂົ້າສູ່ຕະຫຼາດອາຊຽນຢ່າງວ່ອງໄວ, ເພື່ອສ້າງເວທີການຮ່ວມມືໃຫ້ແກ່ນັກທຸລະກິດໄມ້ຂອງຈີນແລະອາຊຽນ.
