ທ່ານນາງຍິ່ງລັກ ຊິນນະວັດຈະເຂົ້າຮ່ວມກອງປະຊຸມສຸດຍອດອາຊຽນ
(GMT+08:00) 2011-11-16 16:04:57 cri
ຕາມຂ່າວຈາກເວັບໄຊໜັງສືພິມມະຕິຊົນຂອງໄທ, ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທຈະເຂົ້າຮ່ວມກອງປະຊຸມສຸດຍອດອາຊຽນທີ່ຈະຈັດຂຶ້ນຢູ່ເກາະບາຫຼີແຫ່ງອິນໂດເນເຊຍ.
ການເຂົ້າຮ່ວມກອງປະຊຸມສຸດຍອດອາຊຽນທີ່ເກາະບາຫຼີຂອງທ່ານນາງຍິ່ງລັກຄັ້ງນີ້ມີ3ເປົ້າໝາຍອັນສຳຄັນ, ຄື, ຟື້ນຟູຄວາມເຊື່ອໝັ້ນຂອງໂລກທີ່ມີຕໍ່ເສດຖະກິດຂອງໄທ, ຮັກສາບົດບາດອັນສຳຄັນຂອງໄທໃນຂະບວນການອາຊຽນເຊື່ອມໂຍງເຂົ້າກັນ; ຖັດມາ, ແມ່ນເພື່ອເພີ່ມທະວີການຮ່ວມມືກັບປະເທດອື່ນໆໃນການກູ້ໄພແລະສ້າງສາຄືນໃໝ່ຫຼັງໄພພິບັດ, ຖອດຖອນບົດຮຽນນຳປະເທດອື່ນໃນການນຳໃຊ້ຊັບພະຍາກອນນ້ຳຢ່າງສົມເຫດສົມຜົນ; ແລະເປົ້າໝາຍສຸດທ້າຍ, ແມ່ນເພື່ອກ່າວເນັ້ນວ່າການສ້າງປະຊາຄົມອາຊຽນຈະສາມາດຮັບມືກັບສິ່ງທ້າທາຍຕ່າງໆຢ່າງມີປະສິດທິຜົນ, ເຊັ່ນໄພທຳມະຊາດ, ວິກິດການການເງິນໂລກແລະໄພຂົ່ມຂູ່ດ້ານຄວາມໝັ້ນຄົງ.
