ມູນຄ່າການຄ້າລະຫວ່າງຈີນອາຊຽນໃນ20ປີຜ່ານມາໄດ້ເພີ່ມຂຶ້ນ37ເທົ່າ
(GMT+08:00) 2011-11-16 16:13:55 cri
ກະຊວງການຕ່າງປະເທດຈີນໄດ້ປະກາດບົດລາຍງານພາຍໃຕ້ຫົວເລື່ອງວ່າ"ການຮ່ວມມືຈີນອາຊຽນຕ່ປີ1991ຮອດປີ2011"ໂດຍສະແດງໃຫ້ເຫັນວ່າ, ໃນ20ປີຜ່ານມາ, ມູນຄ່າການຄ້າລະຫວ່າງຈີນອາຊຽນໄດ້ຮັກສາທ່າອ່ຽງການຂະຫຍາຍຕົວຢ່າງວ່ອງໄວ, ຂະໜາດການຄ້າສອງຝ່າຍໄດ້ເພີ່ມຂຶ້ນ37ເທົ່າ.
ໃນ20ປີຜ່ານມາ, ມູນຄ່າການຄ້າລະຫວ່າງຈີນອາຊຽນໄດ້ເພີ່ມຈາກ7ຕື້960ລ້ານໂດລາໃນປີ1991ຂຶ້ນເປັນ292ຕື້780ລ້ານໂດລາໃນປີ2010, ສະເລ່ຍແລ້ວເພີ່ມຂຶ້ນຫຼາຍກວ່າ20%ຕໍ່ປີ.
ໃນ6ເດືອນຕົ້ນປີນີ້, ມູນຄ່າການຄ້າສອງຝ່າຍຈີນອາຊຽນໄດ້ເພີ່ມຂຶ້ນ25%ເມື່ອທຽບກັບໄລຍະດຽວກັນຂອງປີກາຍ, ເຊິ່ງມີເຖິງ171ຕື້120ລ້ານໂດລາ. ຈີນກາຍເປັນຄູ່ຮ່ວມມືດ້ານການຄ້າໃຫຍ່ອັນດັບທີ1ຂອງອາຊຽນ, ອາຊຽນກາຍເປັນຄູ່ການຄ້າໃຫຍ່ອັນດັບທີ3ຂອງຈີນ.
ຂໍ້ມູນທີ່ກະຊວງການຕ່າງປະເທດເປີດເຜີຍສະບັບນີ້ຍັງສະແດງໃຫ້ເຫັນວ່າ, ການລົງທຶນຕໍ່ກັນລະຫວ່າງຈີນກັບປະເທດຕ່າງໆຂອງອາຊຽນໄດ້ເພີ່ມຂຶ້ນເລື້ອຍໆ, ມາຮອດທ້າຍເດືອນມິຖຸນາປີນີ້, ໄດ້ລົງທຶນຕໍ່ກັນເກືອບ80ຕື້ໂດລາ. ໃນຊຸມປີມໍ່ໆມານີ້, ການລົງທຶນຂອງຈີນຢູ່ອາຊຽນໄດ້ເລີ່ມຈາກບ່ອນບໍ່ມີກາຍເປັນມີ, ຈາກຈຳນວນໜ້ອຍກາຍເປັນຈຳນວນຫຼາຍ, ອາຊຽນໄດ້ກາຍເປັນເປົ້າໝາຍອັນສຳຄັນໃນການລົງທຶນຂອງວິສາຫະກິດຈີນຢູ່ຕ່າງປະເທດ. ພາຍໃຕ້ການລິເລີ່ມຂອງຈີນ, ໄດ້ສ້າງຕັ້ງກອງທຶນຮ່ວມມືດ້ານການລົງທຶນຈີນອາຊຽນ, ສະຫະພັນທະນາຄານຈີນອາຊຽນຕິດຕາມກັນມາ, ເຊິ່ງກາຍເປັນເວທີທີ່ສຳຄັນໃນການຮ່ວມມືດ້ານການລົງທຶນຂອງສອງຝ່າຍ.
